Mattá 1:1 - Hodáay Pákén Ketáb Balochi zobáná

¹ Issá Masih, Dáud o Ebráhémay chokk ent. Áiay béh o bonyátay daptar é dhawlá ent:

Mattá 1:1 ပူးပေါင်းရင်းမြစ်များ

Pédáesh 12:3

Hamá mardom ke tará barkata dayant, man áyán barkata dayán o hamá mardom ke tará nálata kanant, man áyán nálata kanán o zeminay sajjahén kawm tai sawabá barkata gerant.”

Pédáesh 2:4

É zemin o ásmánay kessah at ke jórh kanag butant. Á wahdá ke Hodáwandén Hodáyá zemin o ásmán jórh kortant,

Pédáesh 22:18

zeminay sajjahén kawm tai poshpaday sawabá barkata gerant, chéá ke taw mani habar zortag.’”

Pédáesh 5:1

Ádamay nasl o padréchay ketábi kessah chosh ent: Hodáyá á róchá ke ensán jórh kort, wati sheklá jórhi kort.

Zabur 132:11

Hodáwandá gón Dáudá sawgendé wárt, kawlé korti o cha wati zobáná nabajjit, ke: “Man cha tai óbádagán yakké tai bádsháhi tahtá nádénán.

Zabur 89:3

Taw gwasht: “Man gón wati gechén kortagéná ahd o karáre bastag o gón wati hezmatkár Dáudá pa sawgend kawl kortag:

Zabur 89:36

ke áiay nasl tán abad barjáha mánit o áiay taht mani dargáhá chó róchá abadi ent,

Mattá 1:18

Issá Masihay pédáesh é dhawlá at: Issáay mát Maryam, Issopá sáng kortagat bale cha áyáni sur o árósá pésar, zántesh ke cha Hodáay Pákén Ruhá, áiay láp porr butag.

Mattá 1:2

Esáke Ebráhém, Ákube Esák, Yahudá o áiay brát ke Ákubay chokk atant.

Mattá 15:22

Kanháni janéné ke hamóday mardomé at átk o kukkári kort: “Oo Hodáwand, oo Dáud bádsháhay chokk! Tará mani sará bazzag bát. Palitén ruhé mani jenekká sakk ázára dant.”

Mattá 3:16

Wahdé Issáyá pákshódi gept o cha ápá dar átk, anágat ásmánay dap pach but o Hodáay Pákén Ruhi dist ke kapótéay dróshomá átk o áiay sará ér nesht.

Mattá 9:27

Issá cha ódá ráh gept, ráhá do kór gwánk janán áiay randá kapt o gwashtesh: “Oo Dáud bádsháhay chokk! Tará may sará bazzag bát.”

Luká 1:33

Á, Ákubay padréchay sará modám bádsháhia kant o áiay bádsháhi hechbara nakotthit.”

Yuhanná 7:42

Pákén Ketába nagwashit ke Masih cha Dáuday nasl o padréchá bit o cha áiay shahr Bayt-Lahemá kayt?”

Kásedáni Kár 2:30

Bale á paygambaré at o zántagati Hodáyá sawgend wártag o kawl kortag ke cha áiay naslá yakkéá, áiay bádsháhiay tahtay sará nádénit.

Pulosay kágad pa Rumián 1:3

É mestág áiay Chokk bezán may Hodáwand Issá Masihay bárawá ent ke jesmi hesábá, Dáuday poshpad o óbádag ent. Wahdé cha mordagáni nyámá jáhi jat, Pákén Ruhay wák o kodratay sawabá Hodáay zórmandén Chokk zánag o jár janag but.

Pulosay kágad pa Rumián 4:13

Ebráhém o áiay nasl o padréchá é wádah ke á jahánay mirásdára bant cha Sharyatay ráhá naraset, cha páki o palgáriay ráhá raset ke cha imáná kayt.

Pulosay kágad pa Rumián 9:5

Bonpirok hamáyánig ant o Masih ham ke sajjahénáni Hodá ent, jesmi hesábá cha hamáyáni nasl o padréchá ent. Áiá modám satá o saná bát. Anchosh bát. Ámin.

Pa Galátián Pulosay kágad 3:16

Nun kawl gón Ebráhémá o gón Ebráhémay chokká kanag butant. Pákén Ketába nagwashit ke “gón tai chokkán”, bezán gón bázénéá. Pákén Ketába gwashit: “Gón tai Chokká”, bezán gón yakkéá o é Masih ent.

Pa Timutáusá Pulosay awali kágad 2:5

Chéá ke Hodá yakké. Hodá o ensánay nyámá myánjiger ham yakké o á Issá Masih ent ke wat ham ensáné.

Pa Timutáusá Pulosay domi kágad 2:8

Issá Masihá yát bekan, hamá ke Dáuday nasl o óbádagé o cha mordagán zendag but. Hamé mani paygám ent o

Elhám 22:16

“Man ke Issá án, wati préshtag dém dátag tánke kelisáyáni háterá shomárá é chizzáni sháhediá bedant. Man Dáuday risshag án o Dáuday poshpad ham. Sohbay rozhnáén estár man án.”