Markás 15:24 - Hodáay Pákén Ketáb Balochi zobáná

²⁴ Nun salibay sará dratkesh, pocch o póshákesh watmánwatá bahr kortant o shartesh bast ke bárén kayá ché rasit.

Markás 15:24 ပူးပေါင်းရင်းမြစ်များ

Luká 23:34

Issáyá gwasht: “Oo Pet! Áyán pahell kan, chéá ke nazánant ché kanagá ant.” Gorhá sepáhigán Issáay pocch o póshák kasshetant o pa áyáni bahr kanagá shartesh bast ke bárén kayá rasant.

Kásedáni Kár 2:23

É mard gón Hodáay péshzánti o gisshéntagén shawrá shomay dastá dayag but o shomá gón bédináni komakká salibay sará dratk o kosht.

Kásedáni Kár 5:30

Issá, ke shomá salib kasshet o kosht, may pet o pirokáni Hodáyá padá zendag kort,

Pa Galátián Pulosay kágad 3:13

Hamá nálat ke may sará at Masihá wati sará zort o é dhawlá márá cha Sharyatay nálatá móketi, chéá ke nebeshtah ent: “Harkas ke dáray sará dranjag but, nálatié.”

Petrosay Awal Kágad 2:24

Áiá wat may gonáháni bár salibay sará wati baddhá laddhet, tánke gonáh cha may delá bemerit o pa néki o páki zend begwázénén, ke shomá cha hamáiay thapp o thórán dráh butagét.