Markás 1:5 - Hodáay Pákén Ketáb Balochi zobáná

⁵ Mardom, cha Yahudiahay sajjahén métag o kallagán o cha Urshalimay shahrá áiay kerrá shotant. Wati gonáhesh mannetant o Yahyáyá Ordonay kawrá pákshódia dátant.

Markás 1:5 ပူးပေါင်းရင်းမြစ်များ

Zabur 32:5

Gorhá wati gonáhon tai dargáhá mannet o wati náparmániánon chér nadát. Gwashton: “Wati gonáh o sarkashián Hodáwanday gwará mannán” o taw mani gonáhay mayárbári bakshet. Ósht...

Mattá 4:25

Jalil, Dekápulis, Urshalim, Yahudiah o Ordonay kawray á dastay hand o damagáni bázén mardomé átk o Issáay hamráh but.

Markás 1:4

Pákshódókén Yahyá gyábáná záher but o gwánki jat: “Cha wati gonáhán pashómán bebét, tawbah bekanét o pákshódi bekanét ke bakshaga bét.”

Markás 1:6

Yahyáyá cha oshteray pothán gwaptagén póshák gwará at o póstén kamarbandé lánká bastagati. Áiá, madag o gyábáni bénaga wárt.

Yuhanná 1:28

É kár Ordonay kawray á dastá, Bayt-Anyáyá but, hamá jágahá ke Yahyáyá mardom pákshódia dátant.

Yuhanná 3:23

Yahyá ham Sálemay nazzikká, Aynuná, mardomán pákshódi dayagá at. Ódá áp báz at o mardom pa pákshódiá átkant.

Yuhanná 5:35

Yahyá rókén cherágé at o rozhni tálána kort o shomá erádah kort ke pa kammén wahdéá áiay nuray tahá gal bebét.

Kásedáni Kár 19:18

Bázéné ke báwarmand but, mardománi démá wati pésarigén sellén káresh mannetant.

Kásedáni Kár 2:38

Petrosá gón áyán gwasht: “Cha wati gonáhán pashómán bebét o tawbah bekanét o cha shomá harkas Issá Masihay námá pákshódi bekant, tánke Hodá shomay gonáhán bebakshit. Á wahdá shomárá Hodáay Pákén Ruh, tohpah o thékia rasit.

Ákub 5:16

Paméshká, wati gonáhán, yakdomiay démá bemannét o pa yakdomiá dwá belóthét tán dráh kanag bebét. Pahrézkárén mardoméay dwáyá zór mán o barjáha bit.