Markás 1:4 - Hodáay Pákén Ketáb Balochi zobáná

⁴ Pákshódókén Yahyá gyábáná záher but o gwánki jat: “Cha wati gonáhán pashómán bebét, tawbah bekanét o pákshódi bekanét ke bakshaga bét.”

Markás 1:4 ပူးပေါင်းရင်းမြစ်များ

Mattá 3:11

Man pa shomay gonáháni pashómániá, shomárá gón ápá pákshódia dayán, bale hamá ke cha man o rand áyagi ent, cha man zórmandter ent o man áiay kawsháni dast geragay láhek ham naán. Á shomárá gón Pákén Ruh o ásá pákshódia dant.

Mattá 3:6

Wati gonáháni pashómániesh záher kort o Yahyáyá Ordonay kawrá pákshódi dátant.

Markás 1:5

Mardom, cha Yahudiahay sajjahén métag o kallagán o cha Urshalimay shahrá áiay kerrá shotant. Wati gonáhesh mannetant o Yahyáyá Ordonay kawrá pákshódia dátant.

Luká 1:77

Taw áiay kawmá é zántá dayay ke gón áyáni gonáháni pahelliá, Hodá áyána rakkénit.

Yuhanná 3:23

Yahyá ham Sálemay nazzikká, Aynuná, mardomán pákshódi dayagá at. Ódá áp báz at o mardom pa pákshódiá átkant.

Kásedáni Kár 10:37

Chosh ham zánét é kár chónaká cha Yahyáay jár jatagén pákshódiá rand, Jalilá bongéj but o sajjahén Yahudiahá rawáj gept.

Kásedáni Kár 22:16

Nun chéá mahtal ay? Pád á, Issáay námá beger, pákshódi bekan ke cha wati gonáh o mayárán pák o palgár bebay.’