Luká 9:26 - Hodáay Pákén Ketáb Balochi zobáná

²⁶ Agan kasé cha man o mani habarán lajj bekant, gorhá Ensánay Chokk ham, á wahdi ke gón watig o ásmáni Petayg o pákén préshtagáni shán o shawkatá é jaháná padá kayt, cha áiá lajja kant.

Luká 9:26 ပူးပေါင်းရင်းမြစ်များ

Dányál 7:10

Ásay kawré tachagá at o cha áiay bárgáhá dar áyagá at. Hazáráni hazár áiay hezmatá at o lakkáni lakk áiay démá óshtátagat. Diwán pa dádrasiá nesht o ketáb pach butant.

Mattá 16:27

Ensánay Chokk gón wati Petay mazanén shán o marháhá préshtagáni hamráhiá kayt, gorhá harkasá áiay kortagén káráni mozzá dant.

Mattá 25:31

Wahdé Ensánay Chokk gón wati mazanén shán o marháhá préshtagáni hamráhiá kayt, gorhá wati porshawkatén tahtay sará nendit.

Mattá 26:64

Issáyá darráént: “Taw wat gwasht. Bale shomá sajjahénán hála dayán, démterá gendét ke Ensánay Chokk zóráwarén Hodáay rástén némagá neshtag. Cha ásmánay jambaráni sará ham kayt.”

Markás 8:38

Agan kasé é béwapá o radkárén ahd o zamánagá cha man o mani habarán lajj bekant, gorhá Ensánay Chokk ham, wahdé Hodáay pákén préshtagáni hamráhiá gón Petay mazanén shán o marháhá padá kayt, cha áiá lajja kant.”

Yuhanná 12:43

Chéá ke áyán ensánay dátagén ezzat o satá cha Hodáay dátagén ezzat o satáyá dóstter at.

Yuhanná 5:44

Shomá cha yakdegará mazani o ezzata zurét, bale á ezzat ke cha Hodáay némagá kayt, áiay shóházá naét. Gorhá chón imán áworta kanét?

Kásedáni Kár 10:22

Áyán passaw dát: “Má pawji apsar Korniliusay kásed én. Á pahrézkár o Hodátorsén mardomé o sajjahén Yahudi áiay washnámi o bóhériay mannóger ant. Hodáay yakk pákén préshtagéá gón áiá gwashtag ke pa tai habaráni gósh dáragá tará wati lógá belóthit.”

Pulosay kágad pa Rumián 1:16

Parchá ke cha Issáay wasshén mestágá pashal o sharmendag naán, é pa har hamá kasay rakkénagá Hodáay zór o twán ent ke báwara kant, awalá pa Yahudián o randá pa darkawmán.

Pa Galátián Pulosay kágad 6:14

Man hechbar pahr mabandátán, abéd cha may Hodáwandén Issá Masihay salibay sará, ke hamé salibay sawabá donyá pa man mortag o man pa donyáyá.

Pa Timutáusá Pulosay awali kágad 5:21

Man tará Hodá o Issá Masih o gechénién préshtagáni démá kaddhana kanán ke hecch park o pér makan o é sar o sóján bezur o hecch paymén ru o ryá makan.

Pa Timutáusá Pulosay domi kágad 1:12

Man paméshká sakki o sóri saggagá án, bale sharmendag naán chéá ke zánán man kai sará imán áwortag o deljam án ke áiá é wák o twán hast ke tán wati áyagay róchá hamá amánatay negahpániá bekant ke maná dátagi.

Pa Timutáusá Pulosay domi kágad 2:12

Agan má sakki o sórián besaggén, gón áiá bádsháhi ham kanén. Agan má áiay moridiá enkár bekanén, á ham may pajjáh áragá enkára kant.

Yahudáay Kágad 1:14

Hanuk ke Ádamay haptomi nasl o padréch at, esháni bárawá chosh péshgóia kant o gwashit: “Hodáwand gón wati lakkáni lakkén palgártagénána kayt,

Elhám 1:7

Bechár, á gón jambarán pédák ent o hamok chamm áiá gendit, hamá ham ke áiay jánesh thong thong kortag o zeminay sajjahén kawm hamáiay sawabá porsiga bant. Haw, anchosh bát. Ámin.

Elhám 20:11

Randá man baláhén espétén tahté dist o hamá ham ke tahtay sará neshtagat. Zemin o ásmán cha áiay démá tatkant o pa zemin o ásmáná hecch jágahé pasht nakapt.

Elhám 21:8

Bale lagór o nábáwar o hamá ke bazzhnák ant, hónig o zenahkár o jáduger o botparast o sajjahén drógband, esháni ásar esh ent ke ásay gwarmá gón ás o gókortá sóchag bebant. É domi mark ent.”

Elhám 3:5

Harkas ke sóbéna bit, hamesháni dhawlá espétpósha bit. Man áiay námá hechbar cha “Zenday Ketábá” gára nakanán o wati Pet o Petay préshtagáni démá áiá mannán.