Luká 6:18 - Hodáay Pákén Ketáb Balochi zobáná

¹⁸ Mardománi é mazanén mocchi, pa áiay habaráni gósh dárag o wati nádráhiáni dráh kanáénagá átkagat. Á ke palitén ruhán dochár atant ham dráh kanag butant.

Luká 6:18 ပူးပေါင်းရင်းမြစ်များ

Mattá 15:22

Kanháni janéné ke hamóday mardomé at átk o kukkári kort: “Oo Hodáwand, oo Dáud bádsháhay chokk! Tará mani sará bazzag bát. Palitén ruhé mani jenekká sakk ázára dant.”

Mattá 17:15

“Oo wájah! Tará mani bachakkay sará bazzag bát, áiá mergiay nádráhi gón ent o sakk azáb o bazzagia kant, bázén baré ásá kapit o báz bará ápá.

Luká 6:17

Issá gón moridán cha kóhá ér kapt o yakk patth o pachén jágahéá óshtát. Cha áiay moridán bázéné ódá at. Cha Yahudiah, Urshalim o Sur o Saydunay tayábgwaray mardomán, mazanén rombé ham átk o mocch but.

Luká 6:19

Mardomán Issáay dast per kanagay kóshesta kort, chéá ke cha áiá yakk anchén wák o twáné dar áyagá at ke sajjahéni dráha kortant.

Kásedáni Kár 5:16

Urshalimay kerr o gwaray shahráni mardom ham romb rombá átkant, nádráh o cha palitén ruhán ranj distagén mardomesha áwortant o sajjahén dráha butant.