Luká 21:19 - Hodáay Pákén Ketáb Balochi zobáná

¹⁹ Agan pa deléri sakkián besaggét, wati sáhá rakkénét.

Luká 21:19 ပူးပေါင်းရင်းမြစ်များ

Zabur 37:7

Hodáwanday bárgáhá árám bay o gón ópáré áiay wadárá. Áyáni sawabá jósh majan ke wati ráhá kámrán ant o áyáni sawabá ham ke palitén pandalán kára bandant.

Zabur 40:1

Gón sabré pa Hodáwandá wadáron kort, démi gón man tarrént o mani peryáti eshkot.

Mattá 10:22

Sajjahén mardom, pa mani námay sawabá cha shomá naprata kanant. Bale hamá ke tán áherá sakkiána saggit, á rakkit.

Mattá 24:13

Bale hamá ke tán áherá sakkiána saggit, á rakkit.

Luká 8:15

Sharrén zeminá retkagén tohmáni máná, hamá mardom ant ke Hodáay habarán gósha dárant o pa setk o del o pákén niyaté áyána mannant. É chó hamá keshárá ant ke hóshag o bara kanant o páydára bant.

Pulosay kágad pa Rumián 15:4

Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit.

Pulosay kágad pa Rumián 2:7

Hamá ke gón sabr o ópár, nékén káráni sará mohr óshtátagant o shawkat, ezzat o namirániay randá ant, áyán namiránén zenda bakshit.

Pulosay kágad pa Rumián 5:3

Tahná eshiay sará na, wati sakkiáni sará ham gal o shádehia kanén, chéá ke zánén sakkiay bar o samar sabr o ópár ent.

Pulosay kágad pa Rumián 5:4

Ópár, shaksiat addha kant o shaksiat ométa kárit.

Pulosay kágad pa Rumián 8:25

Agan hamá chizzay ométwár bebén ke angat márá nést, gorhá pa sabr áiay wadárá bén.

Pa Tesálunikián Pulosay awali kágad 1:3

Má wati Hodáén Petay démá modám shomay báwarmandi kárán o pormehrén zahmatán o sagg o bardáshtá yáta kanén ke áyáni sarchammag hamá omét ent ke shomárá may Hodáwandén Issá Masihay sará hastent.

Pa Tesálunikián Pulosay domi kágad 3:5

Hodáwand shomay delá Hodáay mehr o Masihay sagg o bardáshtay némagá betarrénát.

Ákub 1:3

Chéá ke zánét shomay imánay chakkás sabr o ópára kárit,

Ákub 1:4

bale bellét ke é sabr o ópár sarjam bebit tán shomá rost o rodóm bekanét o tamán o kámel bebét o shomárá hecch kammié mabit.

Petrosay Domi Kágad 1:6

gón shehm o rahdáriá wati zántá, gón sabr o ópárá wati shehm o rahdáriá, gón Hodádóstiá wati sabr o ópárá,

Elhám 1:9

Man, Yuhanná, shomay brát án o hamá ázár, bádsháhi o sabr o ópárá shomay hamráh án ke márá Issáay námay sawabá rasant. Man Hodáay habar o Issáay sháhediay sawabá Patmusay jazirahá atán.

Elhám 13:10

“Á ke bandig bayagi ent, bandijáhá rawt. Á ke gón zahmá koshag bayagi ent, gón zahmá koshaga bit.” Eshiay tahá Hodáay palgártagén mardomán ópár o imánay zalurat ent.

Elhám 14:12

Edá Hodáay palgártagénán sabr o ópár pakár ent, hamáyán ke Hodáay hokmáni sará kára kanant o pa Issáyá wati imánay sará mohra óshtant.”

Elhám 3:10

Taw mani hokm mannetag o sabr o ópár kortag, paméshká man ham tará cha dádrasiay sáhatá rakkénán ke pa zeminay sará neshtagénáni chakkásagá sajjahén donyáyá áyagi ent.