Luká 2:9 - Hodáay Pákén Ketáb Balochi zobáná

⁹ Á shapá, anágat Hodáwanday préshtagé áyáni démá átk o chárén némagán Hodáwanday mazaniay shahm o rozhnái drapshán but. Cha eshiá, áyán sakk torset.

Luká 2:9 ပူးပေါင်းရင်းမြစ်များ

Dargwaz 16:10

Chó but ke wahdé Hárun gón sajjahén Esráili mahluká habará at, áyán gyábánay némagá cháret o Hodáwanday shán o shawkatesh dist ke jambaray tahá záher at.

Dargwaz 16:7

bándá sohbá shomá Hodáwanday shán o shawkatá gendét. Chéá ke shomá Hodáwanday sará norondhetag o áiá eshkotagant. Má ché én ke shomá may sará benorondhét?”

Mattá 1:20

É bárawá angat pegr kanagá at ke áiay wábá anágat Hodáwanday préshtagé átk o gwashti: “Issop, oo Dáud bádsháhay chokk! Cha wati deshtár Maryamay zurag o lógá baragá mators, chéá ke áiá é lápporri, cha Pákén Ruhá rasetag.

Luká 1:28

Préshtag, Maryamay kerrá átk o gwashti: “Gal o shádán bay ke Hodáay nékén wáhagay sáhegá ay o Hodáwand gón taw gón ent.”

Luká 2:8

Hamá hand o damagá, lahtén shepánk hastat ke shapá gyábáná wati ramagesh negahpánia kort.

Luká 24:4

Hayrán atant o nazántesh ché bekanant ke anágat do mard, gón drapshókén god o pocchán áyáni kashá óshtát.

Yuhanná 12:41

Eshayáyá Issáay shán o shawkat dist, paméshká áiay bárawá é habari kort.

Kásedáni Kár 12:7

Yakk anágat cha Hodáwanday némagá préshtagé átk o á kóthi rozhnág but. Préshtagá Petrosay kash o pahnát dast jat, cha wábá ágah kort o gwashti: “Hayyá, pád á.” Zamzil cha Petrosay dastán botk o kaptant.

Kásedáni Kár 27:23

É habará, man paméshká zánán ke dóshi cha hamá Hodáay némagá ke man áiayg án o áiay hezmatkár án, préshtagé átk, mani kashá óshtát o

Kásedáni Kár 5:19

Bale shapá yakk wahdé, Hodáwanday préshtagéá bandijáhay darwázag pach kortant o á cha jélá dar áwortant o gwashti:

Pa Timutáusá Pulosay awali kágad 3:16

Béshakk Hodádóstiá mazanén rázé mán: Á, ensánéay shekl o dróshomá záher but, Pákén Ruhá áiay rásti sábet kort, préshtagán á dist, kawmáni nyámá áiay jár janag but, donyáay tahá áiay sará imánesh áwort, á, porshawkatén arshá barag but.

Elhám 18:1

Cha é chizzán o rand man dega préshtagé dist ke cha ásmáná ér áyagá at. Áiá mazanén ehtiáré gón at o zemin cha áiay shán o shawkatá rozhná but.

Elhám 20:11

Randá man baláhén espétén tahté dist o hamá ham ke tahtay sará neshtagat. Zemin o ásmán cha áiay démá tatkant o pa zemin o ásmáná hecch jágahé pasht nakapt.