Luká 16:14 - Hodáay Pákén Ketáb Balochi zobáná

¹⁴ Parisi ke wat zarparast atant, gón é habaráni eshkonagá, Issáesh kalág gept o rishkand kort.

Luká 16:14 ပူးပေါင်းရင်းမြစ်များ

Zabur 119:51

Gorunákén mardom maná dáemá kalága bandant, bale man tai Sharyatá yalaha nakanán.

Mattá 23:13

Bale bazhn o apsóz pa shomá, oo Sharyatay zánógerán o Parisián! Oo dopóstén shatalkárán! Shomá mardománi démá ásmáni bádsháhiay darwázagá banda kanét, na wata poterét o na degarána kellét.

Mattá 9:24

Issáyá gwasht: “Dhanná berawét, jenekk namortag, bass wáb ent.” Bale mardom áiay habaráni sará kalág geragá atant.

Luká 12:15

Gorhá gón mardomán gwashti: “Hozzhár bét! Watá cha har dhawlén tamáh o lálechá dur bedárét, chéá ke mál o dawlatay zyádahi ensánay zenday maksad o morád naent.”

Luká 20:47

Janózámáni lógán gón málwáriá barant o pa pésh dáragá wati dwá o sanáyán drájkassha kanant. Eshán sakterén sezá o padmozza rasit.”

Luká 23:35

Mardom pa sayl o nedáragá óshtátagatant o sarókáni diwánay básk rishkand kanáná, gwashagá atant ke “Eshiá, á dega rakkéntant, bale agan Masih ent o Hodáay hamá gechén kortagén, nun gorhá watá berakkénit.”

Luká 8:53

Áyán Issáay sará kandet o kalág gept, chéá ke zántagatesh jenekk mortag.

Pa Timutáusá Pulosay domi kágad 3:2

Mardom wati jendá dósta dárant, zardóst, batháki, gorunák, záh o bad kanók, pet o mátay náparmán, náshogr, nápák,