Kásedáni Kár 9:4 - Hodáay Pákén Ketáb Balochi zobáná

⁴ Shául zeminá kapt o tawáré eshkoti: “Shául, oo Shául! Taw chéá maná ázára dayay?”

Kásedáni Kár 9:4 ပူးပေါင်းရင်းမြစ်များ

Pédáesh 16:8

Préshtagá gwasht: “Oo Hájer, Sáráiay móled! Taw cha kojá átkagay o kojá rawagá ay?” Hájerá gwasht: “Man cha wati bánok Sáráiá tachagá án.”

Pédáesh 22:11

bale Hodáwanday préshtagá cha ásmáná Ebráhém tawár kort: “Ebráhém! Oo Ebráhém!” Ebráhémá passaw dát: “Ji!”

Pédáesh 3:9

Hodáwandén Hodáyá mard gwánk jat o gwasht: “Kojá ay?”

Dargwaz 3:4

Hodáwandá dist ke Mussá é nedáragay cháragá pédák ent. Hodáyá cha dhólokay tahá gwánk jat: “Mussá, oo Mussá!” Mussáyá passaw dát: “Ji!”

Mattá 25:40

Bádsháh passawa dant: ‘Báwar kanét, wahdé shomá gón mani yakk kaster kasterén brátéá é paymén kár kortag, gorhá allam bezán gón manó ham kortag.’

Luká 10:41

Bale Hodáwandén Issáyá passaw dát: “Martá, oo Martá! Taw bázén kár o báráni sará watá negrán o deltaparkaha kanay,

Yuhanná 18:6

Wahdé Issáyá gwasht: “Man Án,” á mardom poshtá kenzet o zeminá kaptant.

Yuhanná 20:16

Issáyá gwasht: “Oo Maryam!” Maryamá chakk tarrént o Aramái zobáná gwashti: “Rabbuni!” (Bezán: Oo mani ostád!)

Yuhanná 21:15

Náshtáyá rand, Issáyá gón Shamun-Petrosá gwasht: “Oo Shamun, Yuhannáay chokk! Inchok ke é maná dósta dárant, taw maná géshter dósta dáray?” Petrosá gwasht: “Ji haw, oo Hodáwand! Taw zánay ke man tará dósta dárán.” Issáyá gwasht: “Gorhá mani gwaragán bechárén.”

Kásedáni Kár 5:10

Janén, hamá damáná Petrosay pádáni démá kapt o sáhi dát. Wahdé warná átkant, distesh ke á ham mortag. Dhanná bortesh o marday kerrá kabresh kort.

Kásedáni Kár 9:5

Sháulá jost kort: “Oo wájah! Taw kay ay?” Passawi dát: “Man Issá án, hamá ke taw áiá ázára dayay.

Pulosay kágad pa Rumián 11:22

Nun Hodáay mehrabáni o trondiá bechár, trondi pa hamáyán ent ke kaptagant o mehrabáni pa taw ent, agan áiay mehrabániáni sáhegá bemánay. Agan na, taw ham goddhaga bay.