Kásedáni Kár 9:31 - Hodáay Pákén Ketáb Balochi zobáná

³¹ Gorhá Yahudiah o Jalil o Sámerahay sajjahén damagán, kelisá émen o ásudag but o rost o rodóm kanán at. Báwarmandán, pa Hodátorsi zenda gwázént o gón Pákén Ruhay delbaddhiá róch pa róch géshtera butant.

Kásedáni Kár 9:31 ပူးပေါင်းရင်းမြစ်များ

Zabur 111:10

Hodáwanday tors dánáiay bendát ent. Hamá ke áiay rahbandáni randgiriá kanant, áyán sharrén zántkária rasit. Tán abad satá hamáiayg ent.

Zabur 86:11

Wati ráhá maná sój day, oo Hodáwand, ke tai rástén ráhá berawán, mani delá sarjamá gón wat kan ke cha tai námá betorsán.

Zabur 94:13

Taw áiá cha sakkén róchána rakkénay, tán hamá wahdá ke pa badkárán kallé kóchag bebit.

Kásedáni Kár 12:24

Hodáay habar o kolaw róch pa róch gésh bayán o démá rawán at.

Kásedáni Kár 16:5

É dhawlá, kelisáyáni báwarmand róch pa róch géshtera butant o báwaresh ham mohrtera but.

Kásedáni Kár 2:47

Hodáesh satá o saná kort o sajjahén mahluká á dóst atant. Hodáwand ham róch pa róch rakkéntagén mardomán géshá cha géshter kanán at.

Kásedáni Kár 20:32

Nun shomárá Hodá o áiay pormehr o rahmatén habaráni sepordaha kanán ke á habar shomárá mohr dáshta kanant tán hór gón sajjahén Hodáay palgártagénán mirás bebarét.

Kásedáni Kár 5:11

Cha é habaráni eshkonagá, sajjahén báwarmand o á dega mardománi nyámá mazanén tors o bimmé kapt.

Kásedáni Kár 6:7

É dhawlá Hodáay Pákén Habar mardománi nyámá tálán but o Urshalimá morid sakk zutt géshá cha géshter bayána butant. Bázén dini péshwáé ham é báwaray mannóger but.

Kásedáni Kár 8:1

Shául cha Estipánay kóshá rázig at. Á róchá, Urshalimay kelisáay sará sakkén ázáré bongéj but. Abéd cha kásedán, á dega sajjahén báwarmand, Yahudiah o Sámerahay chapp o chágerdá sheng o sháng butant.

Pulosay kágad pa Rumián 14:17

Chéá ke Hodáay bádsháhi pa warag o nóshag naent, áiay bádsháhi, palgári o sohl o shádehi ent ke cha Pákén Ruhá rasit.

Pulosay kágad pa Rumián 14:19

Gorhá byáét modám hamá káráni pad o randá bebén ke dém pa sohl o árámi o yakdomiay rost o rodómá barant.

Pulosay kágad pa Rumián 15:13

Ométay Hodá ke shomá áiay sará báwar kortag, shomay delá cha shádehi o sohl o árámiá porr kanát, tán gón Pákén Ruhay wák o zórá cha ométá sarréch bebét.

Pulosay kágad pa Rumián 5:5

Omét márá delprósh bayagá naylit, chéá ke Hodáay mehr may delá ér réchag butag, cha hamá Pákén Ruhay ráhá ke márá bakshag butag.

Pa Pilipián Pulosay kágad 2:1

Nun agan shomárá gón Masihá hór bayagay sawabá delbaddhia rasit, agan shomárá cha áiay mehrá ásudagia rasit, agan shomárá cha Pákén Ruhá hamdelia rasit o agan shomárá hamdardi o rahm hast,

Pa Tesálunikián Pulosay awali kágad 5:11

Paméshká yakdomiá delbaddhi bedayét o wati imánay rost o rodómá yakdegará komakk bekanét, anchó ke shomá annun kanagá ét.

Pa Timutáusá Pulosay awali kágad 1:4

watgarhén kessah o halás nabayókén sar o bonáni némagá ham delgósh makanant. É chizz Hodáay káray démá baragay badalá arh o korh addha kanant, chéá ke Hodáay kár cha imánay ráhá démá rawt.

Yahudáay Kágad 1:20

Bale oo dordánagán! Shomá watá cha pák o béaybén imáná mohr o mohkam bekanét o gón Pákén Ruhay madatá dwá belóthét.