Kásedáni Kár 9:22 - Hodáay Pákén Ketáb Balochi zobáná

²² Bale Shául róch pa róch zórmandtera but o gón mohrén dalilán péshia dásht ke Issá, Masih ent o é dhawlá áiá Dameshkay Yahudi sarbatag o bépassaw kortant.

Kásedáni Kár 9:22 ပူးပေါင်းရင်းမြစ်များ

Pédáesh 49:24

Bale Issopay kamán barjáh mant o báski mohr o mohkam atant, Ákubay zórmandén Hodáay dastay barkatá, Esráilay shepánkay barkatá, Esráilay taláray barkatá,

Zabur 51:13

Gorhá sarkashén mardomán tai ráhán tálima dayán o gonahkár tai kerrá wátarra kanant.

Zabur 84:7

Cha mohrá mohrter bayána bant tán hamá wahdá ke Sahyuná Hodáay bárgáhá rasant.

Luká 21:15

Chéá ke man shomárá anchén habaráni zántkáriá dayán ke hecch dozhmené shomay démá maóshtit o shomay habarán prósht makant.

Kásedáni Kár 17:3

Áiá gón bázén bayán o mohrén dalilán paddar kort ke Masih báyad ent sakki o sóri besaggit, bemerit o padá cha mordagán jáh bejant. Gwashagá at: “É Issá ke áiay bárawá man shomárá sahig kanagá án, é hamá Masih ent.”

Kásedáni Kár 18:5

Wahdé Silás o Timutáus cha Makduniahá átk o gón Pulosá hór butant, á Hodáay habaráni sheng o tálán kanagá dazgatth o goláésh at. Áiá pa Yahudián paddara kort o gwasht: “Issá hamá Masih ent.”

Kásedáni Kár 28:23

Áyán gón Pulosá pa gend o nendá yakk róché gisshént o á róchá, cha pésará géshter mardom Pulosay lógá átk o mocch but. Gorhá Pulosá sabáhá beger tán bégáhá gón áyán Hodáay bádsháhiay bárawá trán kort o gwáhi dát. Áiá cha Mussáay Sharyat o gwastagén Nabiáni Ketábáni gwáhi o dalilán é johd kort ke Issáay mannógeriá áyáni delán benádénit.

Kásedáni Kár 9:20

Shául, hamódá Yahudiáni kanisahá shot o jária jat ke Issá Hodáay Chokk ent.

Kásedáni Kár 9:21

Harkasá ke áiay habara eshkot, hayrána but o jostia gept: “É hamá mard naent ke Urshalimá Issáay nám gerókáni gár o gomsár kanagay randá at? Edá ham paméshká nayátkag ke Issáay mannógerán begipt o mazanén dini péshwáyáni kerrá bebárt?”

Kásedáni Kár 9:23

Bázén róchán o rand, Yahudián áiay koshagay shawr kort,

Kásedáni Kár 9:27

Bale Bárnábáyá wati hamráh kort o kásedáni kerrá bort, á sahig kortant ke che paymá Sháulá Dameshkay ráhá Hodáwand distag o Hodáwandá gón áiá gapp o trán kortag. Bárnábáyá é hál ham dát ke Sháulá Dameshkay shahrá che paymá gón deléri pa Issáay námá wáz kortag.

Pa Galátián Pulosay kágad 1:18

Say sál gwast o nun Urshalimá Képáay didárá shotán o bass pánzdah róchá gón áiá dáshton.

Pa Pilipián Pulosay kágad 4:13

Man Masihay barkatá harché korta kanán, chéá ke hamá maná zór o twána dant.

Pa Timutáusá Pulosay awali kágad 1:12

May Hodáwandén Issá Masih ke maná zór o wáki dátag, man áiay shográ gerán ke áiá maná wapádár zánt o pa wati hezmatkáriá dásht.