Kásedáni Kár 5:31 - Hodáay Pákén Ketáb Balochi zobáná

³¹ wati rástén némagá nádént o sarók o rakkénók kort, tánke Esráilay kawmá tawbah o gonáháni pahelliay móh berasit.

Kásedáni Kár 5:31 ပူးပေါင်းရင်းမြစ်များ

Zabur 89:19

Yak wahdé taw, shobéná gón wati wapádárán habar kort o gwasht: “Man jangólé madat kortag o cha kawmá gechéni warnáé ródéntag.

Zabur 89:24

Mani mehr o wapádári áiay hamráha bant o mani námá áiay kánth borzáda bit.

Dányál 10:21

Bale awalá tará gwashán ke rástiay ketábá ché nebeshtah ent. Shomay shahzádag Mikáilá abéd, dega kass nést ke esháni démá maná zórmand bekant.

Dányál 9:25

Taw bezán o sarpad bay ke cha é hokmay áyagay wahdá ke Urshalim padá barjáh o addh kanag bebit, tán ‘rógen per moshtagén’ shahzádagay áyagá, hapt haptag o shast o do haptaga gwazit. Urshalim, padá gón ápráhá o damk o gallián addh kanaga bit, bale paréshániáni zamánagá.

Mattá 1:21

Á, mardénchokkéay sará chellaga bit o áiay námá Issá bekan, chéá ke á wati kawmá cha áyáni gonáhána rakkénit.”

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Markás 2:10

Bale man paméshká é habar kort tán shomá bezánét, man ke Ensánay Chokk án, maná é donyáyá gonáháni pahell kanagay wák o ehtiár hast.” Padá gón á langá gwashti:

Markás 4:12

tánke: gón chammán bechárant, bale magendant gón góshán beshkonant, bale sarkech mawarant, Hodáay némagá per matarrant o bakshag mabant.”

Luká 2:11

Á esh ent ke Dáuday shahr Bayt-Lahemá maróchi pa shomá rakkénóké pédá butag ke á, Hodáwandén Masih ent.

Luká 24:47

áiay námay sará, tawbah o gonáháni pahelli báyad pa sajjahén kawmán jár janag bebit. É káray bongéj cha Urshalimá bit.

Yuhanná 4:42

Gón á janéná gwashtesh: “Nun má éwaká tai habaráni sawabá báwar kanagá naén, má wat ham é marday habar eshkotagant o deljam én ke é pa rásti jahánay rakkénók ent.”

Kásedáni Kár 11:18

É habaráni eshkonagá rand, á bétawár butant, Hodáesh satá o saná kort o gwashtesh: “Rást ent ke Hodáyá darkawm ham, pashómániay móh dátagant ke cha wati gonáhán tawbah bekanant o abadmánén zendá berasant.”

Kásedáni Kár 13:23

Cha hamá Dáuday nasl o padréchá, pa Esráilay kawmá wati kawl dátagén rakkénók, bezán Issái ráh dát.

Kásedáni Kár 2:33

Á, Hodáay rástén némagá borzád barag but. Cha Petá, wádah dátagén Pákén Ruh áiá raset o hamá dhawlá ke shomá gendag o eshkonagá ét, nun Pákén Ruhi békesás bakshetag.

Kásedáni Kár 2:36

Paméshká, Esráilay sajjahén kawm allam bezánt, hamá Issá ke shomá salib kasshet, Hodáyá Hodáwand o Masih kortag.”

Kásedáni Kár 2:38

Petrosá gón áyán gwasht: “Cha wati gonáhán pashómán bebét o tawbah bekanét o cha shomá harkas Issá Masihay námá pákshódi bekant, tánke Hodá shomay gonáhán bebakshit. Á wahdá shomárá Hodáay Pákén Ruh, tohpah o thékia rasit.

Kásedáni Kár 3:15

Shomá zendmánay sarchammag kosht, bale Hodáyá á cha mordagáni nyámá zendag kort o jáh janáént o má eshiay sháhed én.

Kásedáni Kár 3:19

Nun cha wati gonáhán pashómán bebét o tawbah bekanét o dém pa Hodáyá wátarr bekanét tánke shomay gonáh o mayár shódag bebant,

Kásedáni Kár 3:26

Hodáyá wati hezmatkár gechén kort o pésará shomay gwará rawán dát tán shomárá barkat bedant o har yakkéá cha áiay haráb o gandagén ráhá per betarrénit.”

Kásedáni Kár 4:11

Issá hamá seng ent ke shomá, bánbandén ostáyán, pasond nakort o chagal dát, bale á seng, bonhesht but.

Pa Pilipián Pulosay kágad 3:20

Bale má ásmánay báshendah én o pa hobb o hodónáki, rakkénókén Hodáwand Issá Masihay entezár o wadárá én ke cha hamódá kayt.

Pa Titusá Pulosay kágad 1:4

Pa Titusá ke mani o áiay imán yakk ent o imánay hesábá mani hakkigén chokk ent. Tará cha Hodáén Pet o may rakkénókén Issá Masihay némagá rahmat o émeni sar bát.

Pa Titusá Pulosay kágad 2:10

cha áyáni málán hecch chizz madozzant o sharrén amánatdár bebant tánke hamá tálim ke may rakkénókén Hodáay bárawá ent, á tálimá pa mardomán delkassh bekanant.

Petrosay Awal Kágad 3:22

hamá Masih ke ásmáná shotag o nun Hodáay rástén némagá neshtag o préshtag o zór o wák, hamáiay dastay chérá ant.

Petrosay Domi Kágad 1:1

Cha Issá Masihay hezmatkár o kásed, Shamun Petrosay némagá, pa hamáyán ke cha may Hodá o rakkénók Issá Masihay barkatá, hamá paymén bébaháén báwaré rasetagesh ke márá rasetag.

Petrosay Domi Kágad 1:11

Gorhá pa shomá may Hodáwand o rakkénókén Issá Masihay abadmánén bádsháhiay darwázag, pa delpachén washátkié pacha bit.

Petrosay Domi Kágad 2:20

Hamá mardom ke gón may Hodáwand o rakkénók Issá Masihay zánag o pajjáragá cha é donyáay selkáriána rakkant, agan padá hamá selkáriáni tóká bekapant, randi hálesh cha pésarigéná ham gantera bit.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.

Yuhannáay Awali Kágad 4:14

Má distag o gwáhia dayén ke Petá wati chokk rawán dátag tán jahánay rakkénók bebit.

Yahudáay Kágad 1:25

may yakk o yakdánagén Hodá o rakkénóká, may Hodáwand Issá Masihay wasilahá, cha azal, annun o tán abad shán o shawkat o wák o kodrat berasát! Anchosh bát. Ámin.