Kásedáni Kár 5:26 - Hodáay Pákén Ketáb Balochi zobáná

²⁶ Gorhá parasteshgáhay negahpánáni sarók gón wati sepáhigán shot o kásedesh gept o áwortant, bale pa zór na, chéá ke torsetesh “chó mabit mardom márá sengsár bekanant.”

Kásedáni Kár 5:26 ပူးပေါင်းရင်းမြစ်များ

Mattá 14:5

Hirudisá pa Yahyáay kóshárénagá shawr kortagat bale torseti, chéá ke mardománi báwar at Yahyá paygambaré.

Mattá 21:26

Agan begwashén ke cha ensánay némagá butag, gorhá márá cha mardomána torsit chéá ke sajjahén mardomán mannetag ke Yahyá nabié.”

Mattá 26:5

Bale gwashtesh: “Aiday róchán na, chosh mabit ke mardom áshóp bekanant.”

Mattá 26:58

Petros ham dur durá, Issáay randá rawán at tán masterén dini péshwáay lógay péshgáhá raset, tahá potert o gón hezmatkárán nesht tán bezánt ke chónén shawré borraga bit.

Luká 20:19

Sharyatay zánóger o mazanén dini péshwáyán zánt ke Issáyá é mesál hamáyáni bárawá áwortag. Paméshká, shawresh kort hamá damáná Issáyá begerant, bale cha mardomána torsetesh.

Luká 20:6

Oo agan begwashén ke ‘mardomi káré butag,’ gorhá mardom márá sengsára kanant, chéá ke áyáni setk o báwar hamesh ent ke Yahyá nabié butag.”

Luká 22:2

Mazanén dini péshwá o Sharyatay zánóger pa Issáay kóshárénagá, ráh o nimmóné shóház kanagá atant, bale cha mardomána torsetesh.

Luká 22:4

Yahudá, mazanén dini péshwá o mazanén parasteshgáhay negahpánén sepáhigáni masteráni kerrá shot o gón áyán gend o nendi kort ke che paymá Issáyá bedróhit o áyáni dastá bedant.

Kásedáni Kár 4:21

Gorhá cha géshterén torsénag o pádtráp. dayagá rand, áesh yalah dátant. Pa áyáni sezá dayagá sharrén ráhé nadistesh, chéá ke gón é ajabbatén káray gendagá sajjahén mardomán Hodá satá kort o sárhát.

Kásedáni Kár 5:13

Báwarmand, mardománi gwará báz ezzatmand atant, bale cha á degarán kaséá é del o joryat néstat ke gón áyán hór bebit.

Kásedáni Kár 5:22

Bale áyáni rah dátagén mardom bandijáhá ke shotant, kásedesh nadistant. Per tarret o hálesh dátant ke

Kásedáni Kár 5:24

Gón é habaray eshkonagá, parasteshgáhay negahpánén sepáhigáni sarók o mazanén dini péshwá sakk hayrán o pegrig butant ke bárén é káray ásar o ákebat nun ché bit.

Kásedáni Kár 5:25

Hamá wahdá yakké átk o háli dátant: “Bechárét, á ke shomá bandig kortagatant, parasteshgáhá mardomán dars o sabakk dayagá ant.”