Kásedáni Kár 4:27 - Hodáay Pákén Ketáb Balochi zobáná

²⁷ Pa rásti, hamé shahrá Hirudis, Pontius Pilátus, á dega darkawmén mardom o Bani Esráilay sajjahén kawm o kabilah hamdast butant o tai pákén hezmatkár Issáay helápá pád átkant, hamá Issá ke taw gón rógen per moshagá pa bádsháhiá gechén kortagat.

Kásedáni Kár 4:27 ပူးပေါင်းရင်းမြစ်များ

Zabur 2:2

Jahánay bádsháh tayára bant o hákem yakjáh mocch, Hodáwand o áiay Masihay helápá óshtant:

Zabur 2:6

“Man wati bádsháh, wati pák o gechénién kóh, Sahyunay sará nendáréntag.”

Zabur 45:7

Taw páki o rásti dóst dáshtag o cha badiá naprat kortag, paméshká Hodáyá, tai Hodáyá, tará géshter cha tai hamráhán shádehiay rógen per moshtag.

Mattá 14:1

Á wahdá Jalilay hákem Hirudis, Issáay nám o tawárá sahig but.

Mattá 14:3

Chosh at ke Hirudisá Hirudiáay sawabá ke pésará áiay brát Piliposay jan at, Yahyá geráéntag o bandijáhá band kortagat.

Mattá 14:6

Hirudisay sálgerah but o Hirudiáay jenekká mehmánáni démá nách o sohbat gept. Hirudis báz washdel but,

Mattá 21:28

“Nun shomá ché gwashét? Yakk mardé hastat, áiay do bacch atant. Wati masterén bacchay kerrá shot o gwashti: ‘Oo mani chokk! Maróchi beraw anguri bágá kár kan.’

Mattá 23:37

Urshalim, oo Urshalim! Taw paygambarána koshay o Hodáay ráh dátagénán sengsára kanay. Báz randá man lóthetag tai chokkán wati kerrá mocch o yakjáh bekanán, anchosh ke nekénkén morgé chureg o chippokán wati bál o bánzoláni chérá moccha kant, bale shomá nalóthet.

Mattá 27:2

Issáesh bast, gerrán kort o Rumi wáli Pilátusay dastá dát.

Markás 10:33

“Nun má Urshalimá rawagá én, ódá Ensánay Chokká gerant o mazanén dini péshwá o Sharyatay zánógeráni dastá dayant. Áiay markay hokmá borrant o darkawmén mardománi dastá dayanti.

Markás 15:31

Hamé paymá mazanén dini péshwá o Sharyatay zánóger rishkand o maskará kanagá atant o gwashtesh: “Á dega mardomi rakkéntant bale watá rakkénta nakant.

Luká 1:35

Préshtagá passaw dát: “Hodáay Pákén Ruh tai sará éra kayt o borzén arshay Hodáay zór o kodrat tai sará sáhéla bit. Paméshká á, pák o Hodáay Chokk zánaga bit.

Luká 22:63

Á sepáhigán ke Issá wati nyámá geptagat, áiay janag o malandh o maskará kanagesh bongéj kort.

Luká 23:1

Randá, diwánay sajjahén mardom pád átkant o Issáesh Pilátusay démá bort.

Luká 4:18

“Hodáwanday Ruh mani sará ent, áiá maná rógen per moshtag tánke wár o nézgárán wasshén mestágé berasénán, maná démi dátag ke bandig o asirán ázátiay basháratá bedayán o pa kórán bináiay mestágá berasénán, zolm distagénán berakkénán o

Luká 9:22

Gwashti: “Ensánay Chokk báyad ent bázén sakki o sóri besaggit. Kawmay kamásh, mazanén dini péshwá o Sharyatay zánóger allamá áiá mamannant o bekóshárénant o sayomi róchá padá zendag bebit.”

Yuhanná 1:11

Á wati mahlukay nyámá átk o mahluká á namannet.

Yuhanná 10:36

gorhá shomá hamá mardomay sará chón kopray bohtámá janét ke Petá á gechén kortag o é jaháná rawán dátag? Á ham tahná pa é habará ke man gwashtag: ‘Hodáay Chokk án.’

Yuhanná 18:28

Issáesh cha Kayápáay kerrá Rumay wáliay kalátá bort. É wahdá sohb máhallah at o Yahudi wáliay kalátá nashotant ke nápák mabant o Sargwazay Aiday waragá wárt bekanant.

Yuhanná 18:29

Gorhá Pilátus dhanná dar átk o cha áyán josti kort: “É marday sará shomay bohtám ché ent?”

Yuhanná 19:34

Bale cha pawjián yakkéá, nayzahé Issáay kash o pahnátá jat o hamá damáná cha áiay jóná hón o áp dar átk.

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Kásedáni Kár 2:27

chéá ke taw maná mordagáni jaháná yalaha nakanay o wati hamá Pákéná sarhag o pussagá naylay.

Kásedáni Kár 4:30

Wati pákén hezmatkár Issáay námá, pa drahbakshi o mójezah o ajabbatén neshániáni paddar kanagá, wati dastá shahár day.”