Kásedáni Kár 4:26 - Hodáay Pákén Ketáb Balochi zobáná

²⁶ Jahánay bádsháh tayára bant o hákem yakjáh mocch, Hodáwand o áiay Masihay helápá óshtant.’

Kásedáni Kár 4:26 ပူးပေါင်းရင်းမြစ်များ

Zabur 2:1

Á dega kawm pa ché shóresha kanant o ráj chiá mopt o náhudagén pandala sázant?

Zabur 2:2

Jahánay bádsháh tayára bant o hákem yakjáh mocch, Hodáwand o áiay Masihay helápá óshtant:

Dányál 9:24

Pa tai kawm o tai pákén shahrá haptád haptag gisshénag butag ke sarkasshi bekotthit, gonáh halás bebant, korbánig kanag o gonáháni táwán porr kanag bebit, abadi adl barjam bebit, shobén o paygambari mohr janag bebant o cha sajjahénán pákterén jágah rógen per moshag bebit.

Luká 4:18

“Hodáwanday Ruh mani sará ent, áiá maná rógen per moshtag tánke wár o nézgárán wasshén mestágé berasénán, maná démi dátag ke bandig o asirán ázátiay basháratá bedayán o pa kórán bináiay mestágá berasénán, zolm distagénán berakkénán o

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 12:10

Padá man borzén tawáré cha ásmáná eshkot ke gwashagá at: “Nun may Hodáay rakkénag o zór o bádsháhi o áiay Masihay ehtiár rasetag, chéá ke may brátáni bohtám janók, hamá ke róch o shap áyáni sará may Hodáay démá bohtám janagá at, gallénag butag.

Elhám 17:17

Chéá ke Hodáyá áyáni delá dátag ke Hodáay maksaday sará kár bekanant, hamshawr bebant o wati bádsháhiá rastará bedayant tán hamá wahdá ke Hodáay habar sarjam o purah bebant.