Kásedáni Kár 3:19 - Hodáay Pákén Ketáb Balochi zobáná

¹⁹ Nun cha wati gonáhán pashómán bebét o tawbah bekanét o dém pa Hodáyá wátarr bekanét tánke shomay gonáh o mayár shódag bebant,

Kásedáni Kár 3:19 ပူးပေါင်းရင်းမြစ်များ

Zabur 103:12

Haminkas ke mashrek cha magrebá dur ent, may gonáhi cha má haminkas dur kortagant.

Zabur 51:13

Gorhá sarkashén mardomán tai ráhán tálima dayán o gonahkár tai kerrá wátarra kanant.

Zabur 51:9

Cha mani gonáhán sar gwaz o sajjahén mayárbáriánon gár kan.

Dányál 9:13

Mussáay Sharyatá nebeshtagén sajjahén tabáhi may sará átkag, bale má angat wati Hodáwandén Hodáay rahm nalóthet o cha wati gonáhán per natarretén o tai rástiay némagá delgósh nakort.

Mattá 13:15

chéá ke é kawm sengdel butag, góshesh grán ant, áyán wati chamm bastagant chó mabit áyáni chamm begendant, áyáni gósh beshkonant, áyáni del bezánant o sarpad bebant o mani némagá per betarrant ke man áyán dráh bekanán.

Mattá 18:3

gwashti: “Shomárá rásténa gwashán, agan shomá watá badal makanét o kasánén chokkáni paymá mabét, hechbar ásmáni bádsháhiá pád ér korta nakanét.

Luká 1:16

Bázén Bani Esráiliáni delán dém pa Hodáwandá tarrénit, ke áyáni Hodá ent.

Luká 22:57

Bale Petrosá namannet o gwashti: “Oo janén! Man áiá nazánán.”

Kásedáni Kár 1:6

Wahdé morid Issáay kerrá mocch butant, cha áiá jostesh kort: “Oo Hodáwand! Bárén á wahd hamesh ent ke taw bádsháhiá padá pa Esráilá pera tarrénay?”

Kásedáni Kár 11:18

É habaráni eshkonagá rand, á bétawár butant, Hodáesh satá o saná kort o gwashtesh: “Rást ent ke Hodáyá darkawm ham, pashómániay móh dátagant ke cha wati gonáhán tawbah bekanant o abadmánén zendá berasant.”

Kásedáni Kár 11:21

Hodáwanday dast gón áyán gón at, paméshká bázéné báwarmand but o cha wati kár o ráhán, dém pa Hodáwandá átk.

Kásedáni Kár 15:3

Kelisáyá áyáni ráh dayagay chen o lánch kort o áyán cha Pinikiah o Sámerahay ráhá gwazán, har jáh é wasshén hál dát ke bázén darkawmán ham che paymá Hodáay ráh zortag. Cha é hálay eshkonagá, sajjahén brát báz wassh o shádán butant.

Kásedáni Kár 17:26

Áiá donyáay sajjahén mardom cha yakkéá pédá kortag o sajjahén kawm o kothom donyáay chárén kondhán tálán kortagant. Áyáni dawr o bárig o hand o jágaháni marz o simsari ham, pésará gisshéntagant,

Kásedáni Kár 2:38

Petrosá gón áyán gwasht: “Cha wati gonáhán pashómán bebét o tawbah bekanét o cha shomá harkas Issá Masihay námá pákshódi bekant, tánke Hodá shomay gonáhán bebakshit. Á wahdá shomárá Hodáay Pákén Ruh, tohpah o thékia rasit.

Kásedáni Kár 28:27

chéá ke é kawm sengdel butag, góshesh grán ant, áyán wati chamm bastagant chó mabit áyáni chamm begendant, áyáni gósh beshkonant, áyáni del bezánant o sarpad bebant o mani némagá per betarrant ke man áyán dráh bekanán.’

Kásedáni Kár 3:20

cha Hodáwanday némagá shomárá gég o ásudagén wahd o róch berasit o Hodá, Masih bezán Issáyá, ke pa shomá gechén kanag butag, rawán bekant.

Kásedáni Kár 3:21

Á báyad ent ásmáná bemánit tán hamá wahdá ke har chizz nóksará wati jáhá per betarrit, hamá dhawlá ke Hodáyá cha kwahnén zamánagán pákén nabiáni zobáná gwashtag.

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Pa Tesálunikián Pulosay domi kágad 1:10

ke Hodáwand wati palgártagénáni kerrá kayt o wati shán o shawkatá záhera kant o sajjahén báwarmand áiá gendant o é pa áyán ajab o hayrán kanókén nedáragé bit. Shomá ham góna bét chéá ke shomá hamá sháhedi báwar kort ke má shomárá dát.

Pa Tesálunikián Pulosay domi kágad 1:7

shomá ke janjáláni ámách ét, shomárá áráma dant o márá ham. É kár hamá wahdá bit ke Hodáwandén Issá gón wati zórmandén préshtagán cha ásmáná gón jamburén áséá watá záhera kant o

Pa Timutáusá Pulosay domi kágad 2:25

Wati helápén mardomán pa narmi rástén ráhá sój bedant, balkén Hodá áyán móh bedant ke tawbah bekanant o rástiay zántá sar bebant,

Petrosay Awal Kágad 2:25

Mésháni paymá gár o sargardán atét, bale nun hamáiay kerrá per tarretagét ke shomay arwáháni shepánk o sambálók ent.

Petrosay Domi Kágad 3:8

Bale, oo dordánagán! Cha é habará béhayál mabét ke pa Hodáwandá yakk róché, hazár sálay paymá ent o hazár sál, yakk róchéay paymá.

Elhám 21:4

Hodá cha áyáni chammán har arséá pahka kant. Mark nun pashta nakapit o na pors o na zári o na darda bit, chéá ke pésarigén chizz gwastagant.”