Kásedáni Kár 27:12 - Hodáay Pákén Ketáb Balochi zobáná

¹² Zemestáná á banden pa dáragá sharr naat, paméshká géshterénáni shawr hamesh at ke bójig cha ódá dar bekapit o agan buta kant, á Piniksay bandená watá berasénant o zemestáná ódá begwázénant. Piniksay banden, Kritay yakk bandené ke démi cha shomál o jonubá magrebay némagá ent.

Kásedáni Kár 27:12 ပူးပေါင်းရင်းမြစ်များ

Zabur 107:30

Tuppán ke ér nesht, gal butant, dém pa hamá tayábá rashónii kortant ke wat rawagesh lóthet.

Kásedáni Kár 2:11

Yahudi o darkawmén Yahudi butagén mardom, Kriti o Arab ham. Má sajjahén eshkonagá én ke may zobáná, Hodáay mazanén kárán darshána kanant.”

Kásedáni Kár 27:13

Wahdé sobakkén zerbári gwát wassh wasshá kasshagá lagget, gománesh kort ke nun áyáni delay morád puraha bit. Gorhá bójigay nangaresh chest kort o Kritay jazirahay pahnátá gerán, tayábay nazzikká rawán butant.

Kásedáni Kár 27:21

Tán báz róchá waragesh ham nawártagat. Gorhá, Pulos áyáni démá óshtát o gwashti: “Oo mardán! Agan shomá mani habar bezortén o cha Kritá dar mayátkénét, may sará inchok sakki o sóri nakaptagat o inchok táwán ham narasetagat.

Kásedáni Kár 27:7

Má tán bázén róchán madán madán démá shotén o pa hillaté Knidusay bandenay nazzikká átk o rasetén. Nun gwát may démá at, paméshká cha Kritay érgwátén pahnátá Salmunahay kerrá gwazán, démá shotén o

Kásedáni Kár 27:8

pa sakki o sórié “Zébá” námén bandenéá sar butén ke Lásiahay shahray nazzikká ent.

Pa Titusá Pulosay kágad 1:12

Esháni jenday sháeréá gwashtag: “Kritay mardom poshti drógband ant, wakshi ant o jándozzén lápi ant.”

Pa Titusá Pulosay kágad 1:5

Man tará paméshká Kritay jazirahá nádent o shotán ke taw násarjamén kárán begisshénay o har shahrá kamásh gechén bekanay o kárán áyáni dastá bedayay, hamá paymá ke man tará hokm dátagat.