Kásedáni Kár 24:25 - Hodáay Pákén Ketáb Balochi zobáná

²⁵ Bale wahdé Pulosá hakk o ensáp, pahrézkári o jost o porsay áyókén róchay bárawá habar kort, gorhá Piliksá torset o gwashti: “Annun taw beraw, wahdé dazgatth nabután, tará padá lóthán.”

Kásedáni Kár 24:25 ပူးပေါင်းရင်းမြစ်များ

Zabur 11:7

Hodáwand ádel ent, áiá adl o ensáp dósta bit, nékdel áiay démá gendant.

Zabur 119:120

Mani jánay gósht cha tai torsá larzit o maná cha tai rahbandána torsit.

Zabur 45:7

Taw páki o rásti dóst dáshtag o cha badiá naprat kortag, paméshká Hodáyá, tai Hodáyá, tará géshter cha tai hamráhán shádehiay rógen per moshtag.

Zabur 72:2

tánke á pa ensáp tai kawmay sará dádrasi bekant, setam distagénáni sará pa adl.

Zabur 99:1

Hodáwand bádsháhia kant, kawm belarzátant, á, karrubiáni nyámá, wati bádsháhi tahtá neshtag, zemin belarzát.

Dányál 12:2

bázéné ke zeminay hákáni tahá wáb ent, jáha jant, lahtén pa abadmánén zendá o lahtén pa pashali o abadmánén kamsharapiá.

Dányál 4:27

Oo bádsháh! Paméshká mani é sój balkén pa taw sharrén sójé bebit: nékén kár bekan ke cha wati gonáhán dur bebay o bazzagáni sará rahm kan ke cha wati radkárián berakkay. Balkén tai ábádi barjáh bemánit.”

Dányál 5:30

Hamá shapay shap Bábeliáni bádsháh, Belsházar koshag but.

Mattá 22:5

Bale parwáhesh nakort o harkas wati káray némagá shot, yakké dhagáráni némagá o yakké dém pa wati sawdágeriá.

Yuhanná 16:8

Wahdé á kayt, gonáh o pahrézkári o dádrasiay bárawá donyáay mardomán sahiga kant o áyáni mayárbáriá záhera kant.

Kásedáni Kár 10:42

Áiá hokm kort ke má é mestágá pa mardomán jár bejanén o gwáhi bedayén ke á Hodáay gechén kortagén ent tán zendag o mordagáni kázi bebit.

Kásedáni Kár 17:13

Wahdé Tesálunikiay Yahudi sahig butant ke Pulos Biriahay shahrá Hodáay habará sheng o tálán kanagá ent, hamódá shotant, mardomesh shórént o shahrá áshópesh pád kort.

Kásedáni Kár 17:2

Pulos wati hél o ádatay sará kanisahá shot o tán say Shabbatay róchá cha Pákén Ketábán gón áyán gapp o tráni kort.

Kásedáni Kár 17:32

Wahdé áyán Pulosay é habar eshkot ke Hodá mordagán padá zendaga kant, lahténá áiay sará malandh o maskará kort, bale dega lahténá gwasht: “É bárawá dega baré márá géshter sarpad kan.”

Kásedáni Kár 2:37

Wahdé mardomán é habar eshkotant, báz del padard butant o gón Petros o á dega kásedán gwashtesh: “Oo brátán! Má chón bekanén?”

Kásedáni Kár 24:15

Man ham, hamáyáni dhawlá, cha Hodáyá ométwár án o deljam án ke sajjahén mordag, nékén o badén, padá zendaga bant.

Kásedáni Kár 24:26

Á ométwár at balkén Pulos áiá chizzoké zarr lálecha dant, paméshká báz randá lóthet o áworti o gón áiá gapp o tránia kort.

Kásedáni Kár 26:28

Gorhá Agripásá gón Pulosá gwasht: “Tai hayálá, maná gón wati habarán chosh zutt Masihiáni ráhá áworta kanay?”

Kásedáni Kár 9:6

Nun pád á o shahrá beraw. Hamódá gwashant tará che kár kanagi ent.”

Pulosay kágad pa Rumián 12:1

Oo brátán! Mani dazbandi gón shomá esh ent ke gón Hodáay rahmatáni cháragá, wati jesm o jáná chó zendagén korbánigéá pésh bekanét ke pák o palgár ent o Hodáyá pasonda bit. É shomay ruhánién parastesh ent.

Pulosay kágad pa Rumián 14:12

Gorhá cha má har yakkéá Hodáay démá wati hesáb dayagi ent.

Pulosay kágad pa Rumián 2:16

É hamá róchá paddara bit ke Hodá cha Issá Masihay ráhá, mardománi chér o andémén pegráni dádrasiá kant, hamá dhawlá ke mani wasshén mestága gwashit.

Pa Galátián Pulosay kágad 3:22

Bale Pákén Ketába gwashit ke har ensán gonáhay bandig ent. Bass Issá Masihay sará báwar kanagay sawabá wádah hamá mardomán dayaga bit ke Masihay sará imána kárant.

Pa Galátián Pulosay kágad 5:23

narmtabi o dásht. Choshén chizzáni helápá hecch Sharyat o kánun nést.

Pa Timutáusá Pulosay domi kágad 4:1

Man tará Hodá o Issá Masihay démá sawgendá dayán, hamá Issá Masih ke róché na róché padá kayt. Kayt o bádsháhia kant o zendagén o mortagénáni dadrasiá kant,

Pa Titusá Pulosay kágad 1:8

Kamásh báyad ent mehmánnawáz bebit, sharri o nékiá dóst bedárit, dáshti bebit, pahrézkár, pák o palgár o shehm o rahdár bebit.

Ákub 2:19

Tará báwar ent ke Hodá yakké. Sharr ent. Déh o jennáni báwar ham hamesh ent o cha torsá larzant.

Petrosay Awal Kágad 3:15

Bass, wati delá Masihá Hodáwand bemannét o hamáiá sharap bedayét. Agan kasé shomay ométay sawabay jostá bekant, modám pa passaw dayagá tayár bebét.

Petrosay Domi Kágad 1:6

gón shehm o rahdáriá wati zántá, gón sabr o ópárá wati shehm o rahdáriá, gón Hodádóstiá wati sabr o ópárá,

Yuhannáay Awali Kágad 3:10

Hodáay chokk o Shaytánay chokk, hamé paymá zánag o pajjáh áraga bant, á kas ke rástiay ráhá narawt, Hodáay chokk naent o anchosh á kas ham ke gón wati brátá mehra nakant.

Yuhannáay Awali Kágad 3:7

Oo chokkán! Bechárét kasé shomárá gomráh makant. Harkas rástiay ráhá rawt, rástén mardomé, anchosh ke á, pák o rást ent.