Kásedáni Kár 22:14 - Hodáay Pákén Ketáb Balochi zobáná

¹⁴ Gorhá Hannániáyá gón man gwasht: ‘May pet o pirokáni Hodáyá tará gechén kortag tán áiay razáyá bezánay, áiay “Pák o Nékéná” begenday o áiay tawárá cha áiay jenday dapá beshkonay.

Kásedáni Kár 22:14 ပူးပေါင်းရင်းမြစ်များ

Dargwaz 15:2

Hodáwand mani zór o wák o mani názénk ent. Hodáwand pa man nejáté but. Mani Hodá ent, mana názénáni. Mani petay Hodá ent o man áiá satá o saná kanán.

Dányál 2:23

Oo mani pet o pirokáni Hodá! Man tai shográ gerán o tai tawsipá kanán, chéá ke taw maná zór o hekmat dátag. Annun ham é taw ay ke pa man hamá chizzet záher kortag ke má cha taw lóthetag, chéá ke taw nun bádsháhay jérhah pa má paddar kortag.”

Yuhanná 15:16

Shomá maná gechén nakortag, man shomárá gechén kortag o dém dátag ke shomá berawét o bar o samar byárét, abadmánén bar o samar. Gorhá harché ke mani námay sará cha Petá belóthét, shomárá dant.

Kásedáni Kár 13:17

É kawmay Hodá, Esráilay Hodáyá may pet o pirok gechén kort o Mesrá jahmenendiay wahd o zamánagá sarperáz kortant o gón wati zór o wáká cha Mesrá dar áyagay rahshóni dátant.

Kásedáni Kár 22:15

Báyad ent pa sajjahénán wati eshkotagén o distagénáni gwáhiá bedayay.

Kásedáni Kár 22:18

Issá Masihon dist ke maná gwashti: ‘Zutt kan. Cha Urshalimá dar kap, chéá ke eday mardom mani bárawá tai gwáhiá namannant.’

Kásedáni Kár 24:14

Bale tai démá é habará mannán ke ‘É Ráhay’ randgir o mannók án ke mardom áiá náráhén dini thólié gwashant. Wati pet o pirokáni Hodáyá parastesha kanán o harché ke Tawrát o Nabiáni Ketábán nebeshtah ent, man áyáni báwarmand án.

Kásedáni Kár 26:16

Nun pád á, wati pádáni sará bósht, man paméshká pa taw paddar butagán ke tará wati sháhed o hezmatkár gechén bekanán, tán harché ke cha man distaget o démterá genday, pa áyán gwáhi bedayay.

Kásedáni Kár 5:30

Issá, ke shomá salib kasshet o kosht, may pet o pirokáni Hodáyá padá zendag kort,

Kásedáni Kár 7:52

Kojám paygambar shomay pet o pirénán ázár nadátag? Shomay pet o pirénán tantaná hamá paygambar ham koshtant ke áyán á ‘Pák o Nékénay’ áyagay péshgói kortagat. Nun shomá áiay jenday dróhók o hónig ét.

Kásedáni Kár 9:15

Bale Hodáwandá gón Hannániáyá gwasht: “Beraw, man pa wati hezmatkáriá, á gechén kortag ke darkawm o áyáni bádsháh o Esráiliáni gwará berawt o pa mani námá gwáhi bedant.

Kásedáni Kár 9:17

Hannániá shot o hamá lógá raset, Sháuli dast per mosht o gwashti: “Oo mani brátén Shául! Hamá Hodáwand bezán Issá, ke ráhá pa taw záher but, maná ráhi dátag ke taw padá begenday o cha Hodáay Pákén Ruhá porr bebay.”

Pulosay kágad pa Rumián 1:1

Cha Issá Masihay hezmatkár, Pulosay némagá ke pa kásediá gwánk janag butag o zendi pa Hodáay wasshén mestágá wapk ent,

Pa Galátián Pulosay kágad 1:12

Chéá ke é mestág maná cha ensánéay némagá narasetag o na ke kaséá maná dars dátag, é maná cha Issá Masihay nemagá elháméá rasetag.

Pa Galátián Pulosay kágad 1:15

Bale Hodáyá ke maná cha mátay lápá gechén kortagat, cha wati rahmatay barkatá maná tawár jat o paysalahi kort

Pa Timutáusá Pulosay domi kágad 1:1

Cha Pulosay némagá, mane Pulos ke cha Hodáay razáyá Issá Masihay kásedé án tánke hamá zenday kawl o wádahay járá bejanán ke cha Issá Masihá rasit,

Pa Titusá Pulosay kágad 1:1

Cha Pulosay némagá, mane Pulos ke Hodáay hezmatkár o Issá Masihay kásedé án ke Hodáay gechén kortagénáni imáná mohrter bekanán o áyáni rástiay zántá démá bebarán, hamá rásti ke dém pa Hodátorsiá rahshóna bit.

Petrosay Awal Kágad 2:22

“Áiá hecch gonáh nakort o kassárá prébi nadát.”

Yuhannáay Awali Kágad 2:1

Oo mani dordánagén chokkán! É chizzán pa shomá nebisán ke shomá gonáh makanét, bale agan kaséá gonáhé kort, démpáné hast ke Petay kerrá pa may rakkénagá habara kant, hamá pák o ádelén Issá Masih.