Kásedáni Kár 21:16 - Hodáay Pákén Ketáb Balochi zobáná

¹⁶ Cha Kaysariahay shahrá lahtén morid may hamráh but, áyán márá pa dárag o mehmán bayagá Manásun námén báwarmandéay lógá bort. Á cha Issáay awali mannógerán at o béhá Kebresié at.

Kásedáni Kár 21:16 ပူးပေါင်းရင်းမြစ်များ

Zabur 92:14

Piriá ham bar o samara dayant o pa é járay janagá tarr o tázag o sabza mánant ke Hodáwand rást o ádel ent, hamá mani talár ent o áiá hech náensápi o badi mán nést.

Kásedáni Kár 10:24

É dega róchá, Petros o áiay hamráh Kaysariahá rasetant. Kornilius áyáni rahchár o wadárig at o wati lahtén syád o nazzikkén sangati ham lóthetagat.

Kásedáni Kár 10:48

Gorhá hokmi kort ke Issá Masihay námá pákshódi dayag bebant. Randá áyán, cha Petrosá dazbandi kort tán lahtén róchá áyáni gwará bejallit.

Kásedáni Kár 11:19

Hamá báwarmand ke cha Estipánay wahd o bárigay ázárán, sheng o sháng butagatant sát o sapar kanán, Pinikiah, Kebres o Antákiahay sardhagárán rasetant, Hodáay habaráni mestágá tahná gón Yahudián gwashagá atant.

Kásedáni Kár 15:39

É dhawlá, Pulos o Bárnábá watmánwatá tepák nabut, nathahetant o cha yakdomiá jetá butant. Bárnábá, Markásay hamráhiá, bójigéá swár but o Kebresá shot.

Kásedáni Kár 15:7

Bázén habar o hálá rand, Petros pád átk o gón áyán gwashti: “Oo brátán! Shomá sharra zánét ke báz wahdá pésar, Hodáyá cha shomay nyámá maná gechén kort ke darkawm cha mani zobáná Issáay wasshén mestágá beshkonant o báwar bekanant.

Kásedáni Kár 21:8

É dega róchá cha ódá dar átk o Kaysariahay shahrá rasetén. Ódá má mestág dayókén Piliposay lógá dásht ke cha hamá hapténán yakké at.

Kásedáni Kár 4:36

Issop námén mardéá ham dhagáré hastat, bahái kort, zarri áwort o kásedáná dátant. Á Kebresié at o cha Láwiáni kabilahá at. Kásedán áiay nám Bárnábá kortagat, bezán “delbaddhiay chokk”.

Kásedáni Kár 8:40

Pilipos Ashduday shahrá gendag but, cha ódá tán Kaysariahá shot o ráhá sajjahén shahrán Issáay wasshén mestági sheng kort.

Pulosay kágad pa Rumián 16:7

Mani syád Andrunikás o Yuniásá ke mani hamráhiá bandig atant salám sar kanét. Kásedáni nyámá á, arzeshmand o námdárén chehrag ant o cha man o pésar, Masihay báwarmand butagant.

Pa Pilimuná Pulosay kágad 1:9

bale mane Pulos ke pirmardé án o annun Issá Masihay háterá bandig án, mehray bonyádá gón taw dazbandié kanán.