Kásedáni Kár 20:6 - Hodáay Pákén Ketáb Balochi zobáná

⁶ Béhomirén Naganay Aidá rand, má cha Pilipiay shahrá bójigéá swár butén o panch róchá rand, Truásá áyáni kerrá átkén o tán hapt róchá hamódá dáshtén.

Kásedáni Kár 20:6 ပူးပေါင်းရင်းမြစ်များ

Dargwaz 23:15

Béhomirén Naganay Aidá barjáh bedár. Hamá paymá ke man tará hokm dátag, hapt róchá béhomirén nagan bwar. É kárá Abibay máhá, hamá wahdá bekan ke man gisshéntag, chéá ke hamé máhá shomá cha Mesrá dar átkét. Kass gón háligén dastán mani bárgáhá mayayt.

Dargwaz 34:18

Béhomirén Naganay Aidá barjáh bedár. Hamá paymá ke man tará hokm dátag, tán hapt róchá béhomirén nagan bwar. É kárá Abibay máhá, hamá gisshéntagén wahdá bekan, chéá ke hamé máhá taw cha Mesrá dar átkay.

Kásedáni Kár 12:3

Wahdé disti ke Yahudi cha é kárá wassh ant, gorhá Petrosi ham dazgir kort. É kár, Béhomirén Naganay Aiday róchán but.

Kásedáni Kár 16:10

Cha é shobéná rand, má pa Makduniahay rasagá eshtáp kort, chéá ke cha é shobéná deljam butén, Hodáay razá hamesh ent ke má berawén o wasshén mestágá óday mardománi nyámá sheng o tálán bekanén.

Kásedáni Kár 16:12

Cha ódá Pilipiá shotén, ke Makduniahay á bahray mazanén shahré o Rumiáni menendjáh ent o tán chizzé róchá hamódá mahtal butén.

Kásedáni Kár 16:8

Gorhá cha Misiahá gwazán but o Truásay bandená átkant.

Kásedáni Kár 20:16

Pulosay shawr at, Epésosay shahrá hecch maóshtit, tánke Ásiáay damagá báz mahtal mabit. Áiá eshtáp at ke agan buta kant Pentikástay Aiday róchá Urshalimá bebit.

Kásedáni Kár 20:5

Á cha má pésh kaptant o Truásay shahrá shotant. Hamódá pa may áyagá rahchár butant.

Kásedáni Kár 21:4

Má óday morid shóház kortant o tán hapt róchá áyáni kerrá jalletén. Áyán, cha Pákén Ruhay némagá gón Pulosá gwasht ke Urshalimá marawt.

Kásedáni Kár 21:8

É dega róchá cha ódá dar átk o Kaysariahay shahrá rasetén. Ódá má mestág dayókén Piliposay lógá dásht ke cha hamá hapténán yakké at.

Kásedáni Kár 28:14

Ódá má wati lahtén báwarmandén brát dist o áyán lóthet tán haptagéá áyáni kerrá bedárén. Cha ódá Rumay shahrá rasetén.

Pa Pilipián Pulosay kágad 1:1

Cha Issá Masihay hezmatkár Pulos o Timutáusay némagá, pa Issá Masihay hamá sajjahén palgártagén mardomán ke Pilipiá ant, gón kelisáay sarparast o hezmatkárán hawár.

Pa Tesálunikián Pulosay awali kágad 2:2

Anchó ke shomá zánét, má shomay kerrá áyagá pésar Pilipiay shahrá chón azáb o béezzat kanag butén, bale má cha wati Hodáay komakká tahm o jorat kort o inchok dozhmeniay tahá ham má Hodáay wasshén mestág pa shomá sar kort.

Pa Timutáusá Pulosay domi kágad 4:13

Wahdé káay, hamá kabáh ke man Truásay shahrá Kárpusay kerrá ér kort, áiá gón wat byár o mani tumárán ham, hás hamá ke cha póstá addh kanag butagant.