Kásedáni Kár 20:28 - Hodáay Pákén Ketáb Balochi zobáná

²⁸ Shomá wati jend o wati ramagay sajjahén báwarmandáni hayáldáriá bekanét ke Pákén Ruhá shomárá áyáni negahpán kortag. Hodáay kelisáay shepánki o negahpániá bekanét, hamá kelisá ke Hodáwandén Issáyá gón wati hóná pa bahá geptag.

Kásedáni Kár 20:28 ပူးပေါင်းရင်းမြစ်များ

Zabur 74:2

Wati kawmay yátá bekap, ke taw cha dérén zamánagán pa bahá zortagatant, ke taw móketagant tán tai kawm o mirás bebant. Sahyunay kóhay hayálá bekap ke ódá jahmenend butagay.

Mattá 16:18

Tará gwashán: Taw Petros ay o é taláray sará man wati kelisáay bonyátá éra kanán ke markay zór áiá hechbar prósha nadant o áiay sará sóbéna nabit.

Mattá 2:6

‘Oo Yahudáay shahr Bayt-Lahem! Taw Yahudáay hákemáni nyámá kasterén naay, chéá ke cha taw yakk hákemén sardáré pédá bit ke á mani kawm Bani Esráilay shepánkiá kant.’”

Markás 13:9

Hozzhár bét! Shomárá hakdiwánáni démá pésha kanant, kanisaháni tahá janant o pa manigi, hákem o bádsháháni démá óshtárénant. Gorhá shomárá sharrén móhé rasit ke pa man gwáhi bedayét.

Luká 12:32

Oo mani kasánokén romb o thóli! Matorsét chéá ke shomay ásmáni Petay razá o wáhag hamesh ent ke bádsháhiá shomárá bedant.

Luká 21:34

Hozzhár bét, chosh mabit ke shomay del pa neshah o malárán berawt o zenday pegr o andóh shomay delá gránbár bekant o á róch anágat shomay gotthá lóp bebit.

Kásedáni Kár 13:2

Wahdé róchag atant o Hodáwandá saná o satá kanagá atant, Pákén Ruhá gón áyán gwasht: “Bárnábá o Sháulá pa mani hamá káráni sarjam kanagá gechén bekanét ke man pa áyán gisshéntagant.”

Kásedáni Kár 14:23

Áyán pa har kelisáyá kamásh gechén kort o gón róchag o dwáyá, á kamáshesh hamá Hodáwanday báhóth kortant, ke áiay sará báwaresh kortagat.

Kásedáni Kár 20:17

Pulosá cha Militusay shahrá, pa Epésosay kelisáay kamáshán kolaw ráh dát o á wati kerrá lóthetant.

Kásedáni Kár 20:29

Mana zánán cha mani rawagá rand, derrókén gork shomay nyámá káyant o ramagay sará rahma nakanant.

Pulosay kágad pa Rumián 16:16

Gón pákén chokkagán, yakdomiá drót o drahbát begwashét. Masihay sajjahén kelisá pa shomá salám déma dayant.

Pa Galátián Pulosay kágad 1:13

Shomá mani pésarigén zenday bárawá eshkotag ke man Yahudiáni dinay hesábá gwázéntag. Man Hodáay kelisá sakk báz ázár dátag o johdon kortag ke kelisáyá tabáh bekanán.

Pa Pilipián Pulosay kágad 1:1

Cha Issá Masihay hezmatkár Pulos o Timutáusay némagá, pa Issá Masihay hamá sajjahén palgártagén mardomán ke Pilipiá ant, gón kelisáay sarparast o hezmatkárán hawár.

Pa Timutáusá Pulosay awali kágad 3:1

É gapp rást ent ke á kas ke kelisáay kamáshé bayaga lóthit, á pa sharrén káréá wáhagdár ent.

Pa Timutáusá Pulosay awali kágad 3:2

Báyad ent kelisáay kamásh anchéné bebit ke áiá mardománi malámat per mabit. Gón wati janá wapádár bebit, grán o sanginén mardomé bebit o watá dásht bekant, marháhdár o mehmánnawáz bebit o sharriá tálim dát bekant,

Pa Timutáusá Pulosay awali kágad 3:5

Kasé ke wati jenday lógay mardománi rahshóniá sharriay sará kort makant, Hodáay kelisáay hayáldáriá chón korta kant?

Pa Timutáusá Pulosay awali kágad 4:14

Cha wati hamá ruhánién nyámatá nádelgósh mabay ke tará hamá wahdá raset ke kamásháni rombá tai sará dast ér mosht o yakkéá tará gón Pákén Ruhay elhámá é nyámatay hál dát.

Pa Timutáusá Pulosay awali kágad 4:16

Wati zend o tálim dayagay némagá sharriay sará delgósh bekan o démá baránesh kan. Agan é kárán bekanay, watá ham rakkénay o wati gósh dárókán ham.

Pa Timutáusá Pulosay awali kágad 5:17

Hamá kamásh ke sharriá kelisáay rahshóniá kanant, á do sari ezzat o hayáldária karzant, hás hamá ke wáz kanag o tálim dayagay kárá sakk johda kanant.

Pa Titusá Pulosay kágad 1:7

Kelisáay kamáshá Hodáay lógay zemmah gón ent, paméshká báyad ent áiá mardománi malámat per mabit, gorunák mabit, damáná zahr magipt, sharábié mabit, sheddatién mardomé mabit o pa zarr o málá lálech o tamáh makant.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Awal Kágad 2:25

Mésháni paymá gár o sargardán atét, bale nun hamáiay kerrá per tarretagét ke shomay arwáháni shepánk o sambálók ent.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.

Yuhannáay Awali Kágad 1:7

Bale agan rozhnáiá rawagá én, hamá paymá ke á rozhnáiá ent, gorhá watmánwatá hamdel o hamsetk én o áiay Chokk Issáay hón márá cha sajjahén gonáh o mayárán pák o palgára kant.

Elhám 5:9

Á nókén sawté janagá o gwashagá atant: “Taw tumáray zurag o eshiay mohráni pach kanagay láhek ay chéá ke taw helár kanag butagay o gón wati hóná pa Hodáyá cha har kabilah, zobán, kawm o rájá mardom pa bahá zortag.