Kásedáni Kár 20:27 - Hodáay Pákén Ketáb Balochi zobáná

²⁷ Chéá ke man pa shomá Hodáay sajjahén wáhagáni rasénagá hechbar chakk o pad nabutagán.

Kásedáni Kár 20:27 ပူးပေါင်းရင်းမြစ်များ

Zabur 32:11

Oo pahrézkárán! Hodáwanday bárgáhá shádehi kanét o shádán bebét. Oo sajjahén nékdelán! Shádehiay gwánká borz kanét.

Zabur 40:10

Tai rakkénókén madaton wati delá chér nadátag, tai wapádári o nejátbakshiay bárawá habaron kortag o cha mazanén diwáná tai mehr o wapáon napóshéntag.

Mattá 28:20

áyán dars o sabakk bedayét ke mani sajjahén hokm o parmánáni sará kár bekanant. Deljam bebét, man tán donyáay halásiá, modám gón shomá gón án.”

Luká 7:30

Bale Parisi o Sharyatay kázián cha Yahyáay dastá pákshódi nagept o Hodáay lóth o wáhagesh pa wat namannet.

Yuhanná 15:15

Cha ed o rand shomárá golám o bandaha nagwashán, chéá ke goláma nazánt wájah ché kant. Man shomárá wati dóst gwashtag chéá ke harché ke man cha Petá eshkotag, shomárá gwashtagon.

Kásedáni Kár 13:36

Wahdé Dáudá wati wahd o bárigá, Hodáay wáhag sarjam kortant, mort o wati pet o pirokáni dhawlá kabr but o áiay jón ham pusset.

Kásedáni Kár 2:23

É mard gón Hodáay péshzánti o gisshéntagén shawrá shomay dastá dayag but o shomá gón bédináni komakká salibay sará dratk o kosht.

Kásedáni Kár 20:20

Wata zánét, shomay nap o suttá harché ke mani dastá bayagi butag man kortag o Hodáay kolaw pa shomá, mocchiáni tahá o lóg pa lóg áwortag o sar kortag.

Kásedáni Kár 20:35

Man shomárá darwar o nemunah pésh kortag ke shomá ham mani dhawlá wati dastán kár bebandét o kár bekanét o wár o bazzagán komakk bedayét. Shomá cha Hodáwandén Issáay é habarán bétránag mabét o mashamóshét ke áiá gwasht: ‘Cha zuragá, dayag bahtáwarter ent.’”

Pa Galátián Pulosay kágad 4:16

Gorhá nun man shomay dozhmen jórh butagán ke gón shomá rástén habará kanán?

Pa Tesálunikián Pulosay awali kágad 2:4

Wasshén mestágay járá paméshká janagá én ke Hodáyá márá chakkásetag o distagi ke má é káray láhek én. Má mardománi wassh kanagay johdá naén, Hodáay wassh kanagay johdá én, hamá Hodá ke may delána chakkásit.