Kásedáni Kár 2:33 - Hodáay Pákén Ketáb Balochi zobáná

³³ Á, Hodáay rástén némagá borzád barag but. Cha Petá, wádah dátagén Pákén Ruh áiá raset o hamá dhawlá ke shomá gendag o eshkonagá ét, nun Pákén Ruhi békesás bakshetag.

Kásedáni Kár 2:33 ပူးပေါင်းရင်းမြစ်များ

Zabur 118:16

Hodáwanday rástén dast chest butag, Hodáwanday rástén dastá mazanén káré kortag.”

Zabur 89:19

Yak wahdé taw, shobéná gón wati wapádárán habar kort o gwasht: “Man jangólé madat kortag o cha kawmá gechéni warnáé ródéntag.

Zabur 89:24

Mani mehr o wapádári áiay hamráha bant o mani námá áiay kánth borzáda bit.

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Markás 16:19

Anchosh ke Hodáwandén Issáyá gón áyán wati habar halás kortant, ásmáná barag but o Hodáay rástén némagá nesht.

Luká 24:49

Man wati Petay wádah dátagén Pákén Ruhá pa shomá rawána dayán, nun shomá shahrá bemánét, tán hamá wahdá ke cha borzá shomárá wák o kodrat berasit.”

Yuhanná 14:16

Man wat cha Petá lóthán o á shomárá dega posht o panáhé dant ke modám gón shomá bemánit,

Yuhanná 14:26

Bale shomay posht o panáh hamá Pákén Ruh ent ke Pet áiá mani námay sará déma dant. Pákén Ruh sajjahén chizzán shomárá sója dant o hamá sajjahén habar ke man gón shomá kortagant, shomárá áyáni yátá perrénit.

Yuhanná 15:26

Bale wahdé shomay posht o panáha kayt, bezán rástiay Pákén Ruh ke áiay sarchammag Pet ent o man áiá cha Petay némagá déma dayán, á mani bárawá sháhedia dant.

Yuhanná 17:5

Oo Pet! Nun wati bárgáhá mani shán o shawkatá záher kan, hamá shán o shawkat ke maná cha jahánay jórh bayagá pésar ham tai kerrá butag.

Kásedáni Kár 1:4

Yakk randé ke gón áyán hórigá neshtag o warák waragá at, hokmi dátant: “Cha Urshalimay shahrá dhann marawét, Petay wádah dátagén Pákén Ruhay wadár o entezárá bebét ke shomá áiay bárawá pésará ham cha man eshkotag.

Kásedáni Kár 10:45

Petrosay hamráhiá átkagén báwarmandén Yahudi hayrán butant ke Hodáay Pákén Ruh, pa darkawmán ham tohpah o théki dayag but.

Kásedáni Kár 2:17

‘Hodá gwashit: “Goddhi róchán sajjahén mardomán cha wati Ruhá sarrécha kanán. Shomay jenekk o bachakk paygambaria kanant, shomay warná elháma gerant o pirén, wába gendant.

Kásedáni Kár 5:31

wati rástén némagá nádént o sarók o rakkénók kort, tánke Esráilay kawmá tawbah o gonáháni pahelliay móh berasit.

Pulosay kágad pa Rumián 5:5

Omét márá delprósh bayagá naylit, chéá ke Hodáay mehr may delá ér réchag butag, cha hamá Pákén Ruhay ráhá ke márá bakshag butag.

Pa Galátián Pulosay kágad 3:14

Masihá márá móket ke cha áiay wasilahá Ebráhémay barkat darkawmán sar bebit o cha imánay ráhá márá hamá Pákén Ruh berasit ke Hodáyá kawl kortag.

Pa Titusá Pulosay kágad 3:6

Hodáyá márá may rakkénókén Issá Masihay barkatá, cha Pákén Ruhá sarréch kort,

Petrosay Awal Kágad 1:21

Cha áiay wasilahá, shomárá Hodáay sará báwar hast, hamá Hodáay sará ke Masihi cha mordagán zendag kort o shán o shawkati dát. Paméshká, shomá Hodáay sará báwara kanét o cha hamáiá ométwár ét.

Petrosay Awal Kágad 3:22

hamá Masih ke ásmáná shotag o nun Hodáay rástén némagá neshtag o préshtag o zór o wák, hamáiay dastay chérá ant.