Kásedáni Kár 2:17 - Hodáay Pákén Ketáb Balochi zobáná

¹⁷ ‘Hodá gwashit: “Goddhi róchán sajjahén mardomán cha wati Ruhá sarrécha kanán. Shomay jenekk o bachakk paygambaria kanant, shomay warná elháma gerant o pirén, wába gendant.

Kásedáni Kár 2:17 ပူးပေါင်းရင်းမြစ်များ

Pédáesh 49:1

Ákubá wati chokk gwánk jat o gwashtant: “Yakjáh bét, man shomárá gwashán ke áyókén róchán ché bit.

Pédáesh 6:12

Hodáyá dist ke zemin sell butag, chéá ke donyáay sajjahén mardomán badén ráhé geptagat.

Zabur 65:2

Oo taw ke dwáyána eshkonay! Sajjahén mardom dém pa taw káyant.

Zabur 72:6

Bádsháhay hákemi hamá hawráni paymá bát ke rotagén sabzagáni sará gwárant, hamá hawráni paymá ke zeminá sérápa kanant.

Dányál 10:14

Nun man tai sarpad kanagá átkagán ke gón tai kawmá démterá ché bit, chéá ke shobén áyókén wahday bárawá ent.”

Luká 3:6

Jahánay sajjahén mardom cha Hodáay némagá rakkénag o rastgária gendant.”

Yuhanná 17:2

Taw sajjahén mardománi ehtiár wati Chokkay dastá dátag, tánke Chokk hamá mardomán abadmánén zend bedant ke taw áiárá dátagant.

Yuhanná 7:39

É habar áiá Pákén Ruhay bárawá gwasht, hamá Pákén Ruh ke áiay báwarmandán rasagi at. Issáyá angat shán o shawkat narasetagat, paméshká angat áyán Pákén Ruh dayag nabutagat.

Kásedáni Kár 10:45

Petrosay hamráhiá átkagén báwarmandén Yahudi hayrán butant ke Hodáay Pákén Ruh, pa darkawmán ham tohpah o théki dayag but.

Kásedáni Kár 11:27

Hamá róchán, lahtén nabi cha Urshalimá Antákiahá átk.

Kásedáni Kár 11:28

Cha áyán yakkéá, ke námi Ágábus at, cha Hodáay Ruhay elhámá pád átk, péshgói kort o gwashti: “Rumay sarjamén molká mazanén dhokkálé kapit.” É dhokkál, Kaysar Klawdiusay bádsháhiay dawr o bárigá but.

Kásedáni Kár 2:16

É hamá hál o habar ent ke Yuil nabiá é dhawlá péshgói kortag.

Kásedáni Kár 2:18

Á róchán, wati golám o móledán cha wati Ruhá sarrécha kanán o á ham paygambaria kanant.

Kásedáni Kár 2:33

Á, Hodáay rástén némagá borzád barag but. Cha Petá, wádah dátagén Pákén Ruh áiá raset o hamá dhawlá ke shomá gendag o eshkonagá ét, nun Pákén Ruhi békesás bakshetag.

Kásedáni Kár 21:9

Áiá chár neshtagén janénchokk hastat ke paygambariay sawgátesh cha Hodáay némagá rasetagat.

Pulosay kágad pa Rumián 5:5

Omét márá delprósh bayagá naylit, chéá ke Hodáay mehr may delá ér réchag butag, cha hamá Pákén Ruhay ráhá ke márá bakshag butag.

Ákub 5:3

Shomay zarr o simm zang geptagant o zangesh shomay helápá gwáhia dayant o ásay dhawlá shomay jesm o jánay góshtá warant, parchá ke é goddhi róchán, zarr o máló ambár kortag.

Petrosay Domi Kágad 3:3

Cha har chizzá pésar bezánét ke áheri zamánagán, maskará o rishkand kanókén mardom jáha janant ke wati sell o badén wáhagáni randgir ant.