Kásedáni Kár 18:25 - Hodáay Pákén Ketáb Balochi zobáná

²⁵ Áiá Hodáwanday ráhay bárawá tálim geptagat o mardomán gón hobb o hodónáki, sharriay sará Issáay bárawá habar kanag o tálim dayagá at, bale áiay zánt, Yahyáay pákshódiay bárawá at o bass.

Kásedáni Kár 18:25 ပူးပေါင်းရင်းမြစ်များ

Pédáesh 18:19

Chéá ke man, Ebráhém dar chetag ke wati chokk o lógay mardomán hokm bedant ke cha áiá rand, pa pahrézkári o ensáp mane Hodáwanday ráhá rawán bebant tánke pa Ebráhémá hamá kárá bekanán ke gón áiá kawlon kortag.”

Zabur 119:1

Bahtáwar ant hamá ke ráhesh rást ant o Hodáwanday Sharyatay hesábá gardant.

Zabur 67:2

tánke tai ráh jaháná zánag bebit o tai dátagén rakkénag sajjahén kawmáni nyámá.

Markás 1:3

Gyábáná, kasé gwánka jant: Hodáwanday ráhá tayár o áiay keshká rást o tachk bekanét.

Markás 12:14

Nun átk o jostesh kort: Oo ostád! Má zánén ke taw tachk o rástén mardomé ay o harché gwashay pa rástiá gwashay o hechkaséay némagá nageray, chéá ke sajjahénán pa yakk chamméá cháray o gón rásti o delsetki Hodáay ráhá sója dayay. Bárén, Rumay bádsháh Kaysará, song o máliát dayag rawá ent yá na? Má áiá máliát bedayén yá madayén?

Luká 1:4

tán hamá tálim ke taw geptagant, áyáni rástiay bárawá tai báwar mohr o mohkamter bebit.

Luká 7:29

Wahdé Yahyáyá Hodáay paygám áwort, bázén mardomán, songi o máliátgirán ham mannet ke Hodáay kolaw o paygám rást ent, chéá ke á Yahyáay dastá pákshódi dayag butagatant.

Kásedáni Kár 13:10

“Oo Shaytánay chokk! Taw ke cha makr o mandrá sarréch ay o har rástiay dozhmen ay, taw hechbar Hodáwanday rástén ráhay chapp o chóth kanagay kárá yalaha nakanay?

Kásedáni Kár 16:17

Á, Pulos o may randá átk o pa kukkár gwashagá at ke “É mardom, borzén arshay Hodáay hezmatkár ant o shomárá rakkénagay yakk ráhé sója dayant.”

Kásedáni Kár 18:26

Áiá pa deléri kanisahá wati habaráni darshán bongéj kort. Wahdé Priskilá o Akwiláyá áiay habar eshkotant, wati lógá bortesh o Hodáay ráhesh sharriay sará sój dát.

Kásedáni Kár 19:23

Hamá wahdá Epésosay shahrá “É Ráhay” bárawá mazanén shóreshé chest but.

Kásedáni Kár 19:3

Gwashti: “Gorhá shomá chónén pákshódié kortag?” Passaw dátesh: “Yahyáay pákshódi.”

Kásedáni Kár 19:9

Bale cha áyán lahtén sarkassh o yági but o áiay habaresh nazort o mardománi démá “É Ráhesh” bad o rada gwasht. Paméshká Pulosá watá cha áyán yakk kerrá dásht. Moridi zortant o har róch mán Tiránus námén mardéay tálárá gapp o tráná at.

Kásedáni Kár 9:2

cha áiá lótheti pa Dameshkay shahray kanisaháni sarókán kágadé benebisit ke Sháulá é ehtiár bebit, agan áiá ódá “É Ráhay” har mannógeré dist, mardéné bebit yá janéné, bandig bekant o Urshalimá byárit.

Pulosay kágad pa Rumián 12:11

Hecch káray tahá sosti makanét, wati ruhá porjósh bebét, Hodáwanday hezmatá bekanét.

Pa Timutáusá Pulosay domi kágad 2:4

Hamá sepáhig ke jangá rawt watá gón é dega kárán dazgattha nakant. Á lóthit ke mani apsar cha man razá bebit.

Ákub 5:16

Paméshká, wati gonáhán, yakdomiay démá bemannét o pa yakdomiá dwá belóthét tán dráh kanag bebét. Pahrézkárén mardoméay dwáyá zór mán o barjáha bit.