Kásedáni Kár 17:24 - Hodáay Pákén Ketáb Balochi zobáná

²⁴ Á Hodá hamá ent ke é donyá o eshiay tahay sajjahén chizzi addh kortagant. Á wat, zemin o ásmánay Hodáwand ent, paméshká áiá mardománi dastay jórh kortagén parasteshgáhán jágaha nabit.

Kásedáni Kár 17:24 ပူးပေါင်းရင်းမြစ်များ

Pédáesh 1:1

Bongéjá, Hodáyá ásmán o zemin addh kortant.

Pédáesh 14:19

Áiá Ebrám barkat dát o gwasht: “Ebrám! Tará cha borzén arshay Hodá, ásmán o zeminay addh kanókay némagá barkat berasát.

Pédáesh 14:22

Ebrámá gón Sodumay bádsháhá gwasht: “Man Hodáwanday démá, borzén arshay Hodá, ásmán o zeminay jórh kanókay démá dast chest kortag o sawgend wártag

Zabur 115:16

Borzén arsh Hodáwandayg ent o zemini baniádamárá dátag.

Zabur 146:5

Bahtáwar hamá ent Ákubay Hodá áiay komakk ent, hamá ke ométi wati Hodáwandén Hodáay sará ent,

Zabur 148:13

É sajjahén, Hodáwanday námá satá bekanátant, chéá ke tahná hamáiay nám mazanshán ent, hamáiay shán o shawkat cha zemin o ásmáná borzádter ent.

Zabur 24:1

Zemin o áiay sajjahén hasti Hodáwandayg ant, jahán o sajjahén mahluk.

Dányál 4:35

Jahánay sajjahén mahluk áiay démá hecch naant. Á, gón ásmáni lashkará wati delay tabá kára kant o gón zeminay saray nendókán ham. Choshén kasé nést ke áiay dastá bedárit o begwashit ke ‘taw ché kanagá ay?’

Mattá 11:25

Á wahdá Issáyá gwasht: “Oo mani Pet, zemin o ásmánay Hodábond! Tará satá kanán o sárháyán ke taw é ráz o habar cha zántkár o hóshmandán chér dátant o kódakáni sará paddar kortant.

Mattá 5:34

Bale man shomárá gwashán, hechbar sawgend mawarét, na pa ásmáná, chéá ke Hodáay taht ent,

Luká 10:21

Hamá damáná, gón Pákén Ruhá gal o shádán, Issáyá gwasht: “Oo Pet, zemin o ásmánay Hodábond! Tará satá kanán o sárháyán ke taw é ráz o habar cha zántkár o hóshmandán chér dátant o kódakáni sará paddar kortant. Oo Pet! Taw cha wati razá o wáhagá é dhawlá kort.

Yuhanná 1:1

Cha azalá, Gál hastat. Gál gón Hodáyá gón at o Gál, Hodáay jend at.

Kásedáni Kár 14:15

Gwashtesh: “Oo mardomán! Shomá ché kanagá ét? Má shomay dhawlén baniádam én o bass. Átkagén shomárá é mestágá bedayén ke é haráb o náhudagén kárán yalah bekanét o barhakk o namiránén Hodáay keshká begerét. Áiá ásmán, zemin, daryá o harché ke áyáni tahá hastent, addh kortagant.

Kásedáni Kár 4:24

Áyán ke eshkot, yakdel o hamtawár Hodáay bárgáhá dwá kort o gwashtesh: “Oo zórmandén Hodáwand, ásmán o zemin o daryáay addh kanók o har chizzé ke áyáni tahá ent!

Kásedáni Kár 7:48

Albat, borzén arshay Hodá baniádamay addh kortagén lógán jágaha nakant, anchosh ke nabiá gwashtag:

Pulosay kágad pa Rumián 1:19

Parchá ke á chizz ke Hodáay bárawá zánaga bit, pa áyán záher ent. Hodáyá á chizz pa áyán tachk o záher kortag.

Elhám 20:11

Randá man baláhén espétén tahté dist o hamá ham ke tahtay sará neshtagat. Zemin o ásmán cha áiay démá tatkant o pa zemin o ásmáná hecch jágahé pasht nakapt.