Kásedáni Kár 16:26 - Hodáay Pákén Ketáb Balochi zobáná

²⁶ Anágat, mazanén zeminchandhé but ke bandijáhay bonred, sorag o jombagá lagget. Hamá damáná, sajjahén darwázag pach butant o jéliáni zamzil botkant.

Kásedáni Kár 16:26 ပူးပေါင်းရင်းမြစ်များ

Zabur 102:20

tánke bandigáni nálagán beshkont o hamáyán ázát bekant ke markay sezá dayag butagant,

Zabur 146:7

zolm distagénáni dadrasiá kant o shodigán waráka dant. Hodáwand bandigán ázáta kant,

Zabur 68:6

Hodá békasán pa lóg o jáha kant o bandigán, ázát o ábád, bale sarkesh, hoshkén zeminéá nendóka bant.

Zabur 79:11

Bandigáni áh o peryát pa taw sar bátant, gón wati báskay zórá hamáyán berakkén ke koshag bayagá ant.

Mattá 28:2

Yakk anágat mazanén zeminchandhé but, chéá ke Hodáwanday préshtagé cha ásmáná ér átk, dhóki léthént o áiay sará nesht.

Kásedáni Kár 12:10

Á doén cha awali o domi negahpániá gwastant o hamá mazanén áseni darwázagay dapá rasetant ke shahray némagá at. Darwázag watsará pach but o á dhanná dar átkant. Cha yakk damkéá o rand, préshtagá á yalah dát.

Kásedáni Kár 12:7

Yakk anágat cha Hodáwanday némagá préshtagé átk o á kóthi rozhnág but. Préshtagá Petrosay kash o pahnát dast jat, cha wábá ágah kort o gwashti: “Hayyá, pád á.” Zamzil cha Petrosay dastán botk o kaptant.

Kásedáni Kár 4:31

Cha áyáni dwáyá rand, á jágah ke ódá mocch atant larzet, sajjahén cha Pákén Ruhá sarréch butant o Hodáay habaresh pa deléri darshán kort.

Kásedáni Kár 5:19

Bale shapá yakk wahdé, Hodáwanday préshtagéá bandijáhay darwázag pach kortant o á cha jélá dar áwortant o gwashti:

Elhám 11:13

Hamá damáná baláhén zeminchandhé átk o shahray dahyakk tabáh but. Zeminchandhá hapt hazár mardom mort. Pasht kaptagénán sakk báz torset o borzén arshay Hodáesh shán o shawkat dát.

Elhám 6:12

Man cháragá atán, wahdé Gwarándhá shashomi mohr pach kort, mazanén zeminchandhé átk. Róch cha mudá addh kortagén porsi goday dhawlá syáh but, chárdahi máh chó hóná sohr tarret o