Kásedáni Kár 16:25 - Hodáay Pákén Ketáb Balochi zobáná

²⁵ Shapnémá, Pulos o Silás jélay tahá dwá kanán, Hodáyá satá kanagá atant. É dega bandig gósh dáragá atant.

Kásedáni Kár 16:25 ပူးပေါင်းရင်းမြစ်များ

Zabur 119:55

Oo Hodáwand! Shapán tai námá yáta kanán o tai Sharyatay ráhá bán.

Zabur 119:62

Shapnémá páda káyán o tai shográ gerán pa tai ádelén hokmán.

Zabur 22:2

Oo mani Hodá! Sajjahén róchá peryáta kanán o taw passawé nadayay, sajjahén shapá ham, bale áráma nagerán.

Zabur 34:1

Dáemá Hodáwandá názénán áiay satá o saná modám mani dapá ent.

Zabur 42:8

Róchá, Hodáwand wati mehrá déma dant o shapá sawt o zémeli gón man ent, dwáé dém pa wati zend bakshókén Hodáyá.

Zabur 50:15

Sakki o sóriáni róchá maná belóth, man tará nejáta dayán o taw maná shán o shawkata dayay.”

Zabur 71:7

Pa bázénéá neshánié butagán, chiá ke taw mani mohrén panáhgáh ay.

Zabur 77:2

Sakki o sóriáni róchá Hodáwanday shóházá án, sajjahén shapá mani dast dráj ant o dama nabarán, mani arwáh árám geraga nalóthit.

Zabur 77:6

Shapán, wati sawtay hayálá kapán, delá báz pegriga bán o arwáhon josta kant:

Zabur 91:15

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.

Luká 22:44

Á, yakk grán o jánsóchén ranjéá dochár at, paméshká géshter dwái kort o áiay héd, hónay trampáni dhawlá zeminay sará petthetant.

Kásedáni Kár 15:22

Gorhá gón sarjamén kelisáyá hórigá, kásed o kamáshán shawr kort ke cha wati nyámá lahtén mardom gechén bekanant o Pulos o Bárnábáay hamráhiá Antákiahá rawán bedayant. Áyán cha wati némagá Yahudá ke Barsábá gwashag butagat o Silás, gechén kortant ke brátáni nyámá, é doén sarókén mardom atant.

Kásedáni Kár 16:19

Wahdé móleday hodábondán dist ke áyáni nap o katthay omét halás but, gorhá áyán Pulos o Silás gept, kasshán kort o bázárá, shahray masteráni kerrá bortant.

Kásedáni Kár 16:33

Shapay wahdá, Pulos o Silási gón wat bortant o áyáni thappi shoshtant. Á o áiay lógay mardomán hamá damáná pákshódi kort.

Kásedáni Kár 5:41

Kásed, gal o shádehi kanán, cha diwánay démá dar kaptant, chéá ke áyán é láheki rasetagat pa Issáay námá béezzati begendant.

Pulosay kágad pa Rumián 12:12

Pa ométwári gal o shádehi bekanét, sakkiáni tahá sabr o ópár pésh bedárét o wati dwáyán mohr bóshtét.

Pulosay kágad pa Rumián 5:3

Tahná eshiay sará na, wati sakkiáni sará ham gal o shádehia kanén, chéá ke zánén sakkiay bar o samar sabr o ópár ent.

Pa Pilipián Pulosay kágad 2:17

Bale hamá hezmat o korbánig ke shomay báwaray bar o samar ant, agan áyáni sará mani hón ham réchagi korbánigéay paymá réchag bebit, man gala bán o gón shomá sajjahénán shádkámia kanán.

Ákub 1:2

Oo brátán! Wahdé warh warhén chakkás o ázmáeshána kapét, é chizzá sarréchén shádehié bezánét.

Ákub 5:13

Agan cha shomá kasé sakki o sórián kaptag, dwá bekant o agan yakké gal o shádán ent, saná o satá bekant.

Petrosay Awal Kágad 4:14

Agan Masihay námay sawabá shomárá záh o zakata kanant, shomá bahtáwar ét, parchá ke Hodáay porshawkatén Ruhá shomay delá jágah kortag.