Kásedáni Kár 13:36 - Hodáay Pákén Ketáb Balochi zobáná

³⁶ Wahdé Dáudá wati wahd o bárigá, Hodáay wáhag sarjam kortant, mort o wati pet o pirokáni dhawlá kabr but o áiay jón ham pusset.

Kásedáni Kár 13:36 ပူးပေါင်းရင်းမြစ်များ

Pédáesh 3:19

Gón hédén péshánigé wati naganá waray tán hamá wahdá ke háká pera tarray, chéá ke cha hameshiá zurag butagay. Taw háké ay o padá háká pera tarray.”

Zabur 49:14

Pasáni paymá dém pa mordagáni jaháná ráh dayaga bant, hamódá ke mark áyáni shopánka bit. Bámgwáhán, nékdel áyáni sará hokmránia kanant o áyáni jesm o ján kabrá pussit, dur cha borzén márhián.

Zabur 49:9

tánke ensán namirán bemánit o hechbar kabrá magendit.

Mattá 25:16

Á hezmatkár ke áiá panch tálánt rasetagat, hamá damáná sawdágeriá shot o panch tálánti nap raset.

Yuhanná 11:39

Issáyá gwasht: “Dhóká dur kanét.” Mortagén Ilázaray gohár Martáyá gwasht: “Oo Hodáwand! Áiay marká chár róch gwastag o bóa kant.”

Kásedáni Kár 13:22

Randá Hodáyá á, cha bádsháhiay tahtá ér gétk o Dáud áyáni bádsháh kort. Hodáyá pa áiá gwáhi dát ke ‘mani del cha Yassiay chokk Dáudá rázig ent o á mani har wáhagá sarjama kant.’

Kásedáni Kár 2:29

Oo brátán! Man pa deljami shomárá gwashán ke may bonpirok Dáud mort, kabr o kapan but o áiay kabr tán maróchi may gwará hastent.

Kásedáni Kár 20:27

Chéá ke man pa shomá Hodáay sajjahén wáhagáni rasénagá hechbar chakk o pad nabutagán.

Kásedáni Kár 7:60

Randá, Estipán kóndhán kapt o pa borztawári gwashti: “Oo Hodáwand! Eshán pa é gonáhá mayárbár makan.” Gón hamé habaráni gwashagá, sáhi dát.

Kásedáni Kár 8:1

Shául cha Estipánay kóshá rázig at. Á róchá, Urshalimay kelisáay sará sakkén ázáré bongéj but. Abéd cha kásedán, á dega sajjahén báwarmand, Yahudiah o Sámerahay chapp o chágerdá sheng o sháng butant.

Pa Tesálunikián Pulosay awali kágad 4:13

Brátán! Má lóthén ke shomá markay wábá waptagénáni bárawá sarpad bebét o á mardománi dhawlá porsig mabét ke hecch ométesh nést.