Kásedáni Kár 12:12 - Hodáay Pákén Ketáb Balochi zobáná

¹² Cha é sarpadiá rand, Petros Maryamay lógá shot. Maryam hamá Yuhannáay mát at ke Markásay námá ham zánaga bit. Ódá bázén mardomé pa dwá kanagá mocch at.

Kásedáni Kár 12:12 ပူးပေါင်းရင်းမြစ်များ

Kásedáni Kár 12:25

Wahdé Bárnábá o Sháulá gón komakk o thékiáni rasénagá wati kár sarjam kort, cha Urshalimay sapará per tarret o átkant o Yuhannáesh ke Markás ham gwashaga but, gón wat áwort.

Kásedáni Kár 12:5

Petros angat jélá bandig at o kelisá gón bázén delsetkié pa áiá Hodáay bárgáhá dwá kanagá at.

Kásedáni Kár 13:13

Randá, Pulos o áiay hamkár, cha Pápusay shahrá bójigá swár but o Pampiliahay damagá, Pergahay shahrá átkant. Cha ódá Yuhannáyá á yalah dátant o Urshalimá per tarret.

Kásedáni Kár 13:5

Wahdé Sálámisay shahrá rasetant, Yahudiáni kanisahán Hodáay habaresh jár jat. Yuhannáesh pa komakká hamráh at.

Kásedáni Kár 16:40

Cha bandijáhá dar áyagá rand, Pulos o Silás Lidiahay lógá shotant o gón báwarmandán gend o nendesh kort, delbaddhiesh dátant ke wati imánay sará mohr o káhem bóshtant o padá cha Pilipiay shahrá dar kapt o shotant.

Kásedáni Kár 4:23

Ázát bayagá rand, Petros o Yuhanná wati hamráháni kerrá shotant o áesh cha mazanén dini péshwá o kawmay kamásháni gwashtagén habarán sahig kortant.

Pa Timutáusá Pulosay domi kágad 4:11

Tahná Luká mani kerrá ent. Markásá bezur o gón wat byár, chéá ke á Hodáay hezmatkáriá pa man mazanén komakké.

Pa Pilimuná Pulosay kágad 1:24

Mani hamkár Markás o Aristarkás o Démás o Luká ham tará saláma kanant.

Petrosay Awal Kágad 5:13

Cha hamá bánokén goháray némagá shomá sajjahénán salám sar bát ke Bábelay shahrá ent o gón shomá hór gechén kanag butag. Cha mani chokk, Markásay némagá ham shomárá drót o drahbát sar bát.