Pa Galátián Pulosay kágad 2:15 - Hodáay Pákén Ketáb Balochi zobáná

¹⁵ Má pédáeshi Yahudi én o cha “gonahkárén darkawmán” naén,

Pa Galátián Pulosay kágad 2:15 ပူးပေါင်းရင်းမြစ်များ

Mattá 9:11

Wahdé Parisián é dist gón Issáay moridán gwashtesh: “Chéá shomay wájah gón songi o gonahkárán waráka wárt?”

Luká 24:7

Shomárá nagwashti ke ‘Ensánay Chokk báyad ent gonahkáráni dastá dayag bebit, báyad ent salib kasshag bebit o sayomi róchá padá zendag bebit o jáh bejant’?”

Kásedáni Kár 22:21

Padá Hodáwandén Issáyá maná gwasht: ‘Beraw, chéá ke man tará durén hand o damagán darkawmáni kerrá ráha dayán.’”

Pulosay kágad pa Rumián 3:9

Gorhá ché begwashén? May, Yahudiáni hál cha á degarán gehter ent? Na, hecch paymá gehter naent! Chéá ke má é habar paddar o pakká kortag ke sajjahén mardom, Yahudi o Yunáni, gonáhay bandig ant.

Pulosay kágad pa Rumián 4:16

Paméshká, wádah báwaray sará óshtátag, tán wádahay bonred rahmat bebit o áiay sarjam bayag pa Ebráhémay sajjahén nasl o padréchá zamánat kanag bebit. É wádah tahná pa Sharyatay randgir o mannókán mabit, pa áyán ham bebit ke gón Ebráhémay imáná sharikdár ant, parchá ke Ebráhém má sajjahénáni pet ent.

Pa Galátián Pulosay kágad 2:17

Bale hamá wahdá ke má Masihay barkatá pák o palgár bayaga lóthén, agan zánag but ke má wat ham gonahkár én, gorhá? Masih gonáhay hezmatá ent? Na, hechbar na.

Pa Pilipián Pulosay kágad 3:4

bell toré mani jendá jesmay sará óst o omét kanagay sawab hast. Agan dega kaséá jesmay sará óst o omét kanagay sawab hast, gorhá maná wa géshter.

Pa Titusá Pulosay kágad 3:3

Yakk wahdé má ham béagl o náparmán o gomráh butagén o har paymén badén wáhag o hawá o hawasáni golám butagén. Má wati zend badkári o hasadday tahá gwázéntag. Napratay hakdár butagén o má gón yakdomiá naprat kortag.