Elhám 2:25 - Hodáay Pákén Ketáb Balochi zobáná

²⁵ bale hamá chizzáni sará ke shomá watá mohr dáshtag, tán mani áyagá watá anchosh bedárét.”

Elhám 2:25 ပူးပေါင်းရင်းမြစ်များ

Yuhanná 14:3

Bale angat man pa shomay jágahay tayár kanagá rawán o padá káyán o shomárá gón wata barán, tánke hamódá ke man án, shomá ham hamódá bebét.

Kásedáni Kár 11:28

Cha áyán yakkéá, ke námi Ágábus at, cha Hodáay Ruhay elhámá pád átk, péshgói kort o gwashti: “Rumay sarjamén molká mazanén dhokkálé kapit.” É dhokkál, Kaysar Klawdiusay bádsháhiay dawr o bárigá but.

Pulosay kágad pa Rumián 12:9

Shomay mehr báyad ent zagr o pa del bebit, cha badiá naprat bekanét o gón sharri o nékiá belecchét.

Pa Tesálunikián Pulosay awali kágad 5:21

bale har chizzá bechakkásét o hamá ke sharr ent, hamáiá wati kerrá bedárét.

Petrosay Domi Kágad 3:10

Bale Hodáwanday róch allamá kayt. Chosh ke dozzé anágata kayt o sajjahénán jáha serrénit. Á róchá ásmán gón torsnákén tawár o bustagé gár o bégwáha bit, estár o máh o róch o harché ke ásmáná hast, ásá kapit o ápa bit o zemin o harché ke zeminá hast sochit o pora bit.

Elhám 1:7

Bechár, á gón jambarán pédák ent o hamok chamm áiá gendit, hamá ham ke áiay jánesh thong thong kortag o zeminay sajjahén kawm hamáiay sawabá porsiga bant. Haw, anchosh bát. Ámin.

Elhám 22:20

Hamá ke é chizzáni sháhediá dant, gwashit: “Haw, man zutt pédák án.” Anchosh bát. Ámin. Byá, oo Hodáwandén Issá!

Elhám 22:7

“Bechár, mane Issá zutt pédák án. Bahtáwar hamá ent ke hamé péshgóiay habaráni parmánbardáriá kant ke é ketábá mán ant.”

Elhám 3:11

Man zutt pédák án. Harché ke tará hast, mohresh bedár tánke kass tai tájá pach magipt.

Elhám 3:3

Gorhá tawbah kan o harché ke tará rasetag o taw eshkotag yátesh kan o mohresh bedár. Agan ágah nabutay, man dozzokáia káyán o taw hecch sarpada nabay ke man che wahdá pa taw káyán.