Elhám 2:23 - Hodáay Pákén Ketáb Balochi zobáná

²³ Man áiay chokkán wabáé dayán o koshán, gorhá sajjahén kelisá zánant ke man hamá án ke del o hayáláni hálán dara géjit o man shomá harkasá áiay káráni hesábá mozza dayán.

Elhám 2:23 ပူးပေါင်းရင်းမြစ်များ

Zabur 139:1

Oo Hodáwand! Taw maná chakkásetag o zánay.

Zabur 26:2

Hodáwandá! Maná bechakkás o ázmáesh kan, mani del o hayálá cha chakkásá begwázén.

Zabur 44:21

Hodáyá nazántagat? Chiá ke á cha delay ráz o asrárán sarpad ent.

Zabur 62:12

mehr o rahm ham taig ent, oo Hodáwand! Taw harkasá áiay kortagén káráni hesábá, mozza dayay.

Zabur 7:9

Oo ádelén Hodá ke del o darunána zánay! Badkáráni sherrián halás kan o pahrézkárán pa del mohr bedár.

Mattá 16:27

Ensánay Chokk gón wati Petay mazanén shán o marháhá préshtagáni hamráhiá kayt, gorhá harkasá áiay kortagén káráni mozzá dant.

Luká 16:15

Issáyá gwasht: “Shomá hamá ét ke mardománi démá watá tachk o pahrézkár pésha dárét, bale Hodá cha shomay delay hálán sahig ent. Shomárá begwashán, hamá chizz ke mardománi gwará báz kimmati ent, Hodá cha á chizzá sakk bézár ent.

Yuhanná 21:17

Sayomi bará gwashti: “Oo Shamun, Yuhannáay chokk! Bárén, maná dósta dáray?” Issáyá ke sayomi bará jost kort ke maná dósta dáray, Petros gamig but. Gwashti: “Oo Hodáwand! Taw har chizza zánay, taw zánay ke man tará dósta dárán.” Issáyá gwasht: “Gorhá mani pasán bechárén.

Yuhanná 4:16

Issáyá gwasht: “Beraw wati lógwájahá tawár kan o hamedá byá.”

Kásedáni Kár 1:24

Randá, é dhawlá dwá kort o gwashtesh: “Oo Hodáwand! Taw harkasay delay hálá zánay, nun wat pa má paddar kan ke cha é doénán kojámiet gechén kortag

Pulosay kágad pa Rumián 14:12

Gorhá cha má har yakkéá Hodáay démá wati hesáb dayagi ent.

Pulosay kágad pa Rumián 8:27

Á ke may delána patthit Pákén Ruhay pegr o hayálána zánt, chéá ke Ruh gón Hodáay wáhag o razáyá pa palgártagénán nyámjigeria kant.

Pa Galátián Pulosay kágad 6:5

Chéá ke harkas wati jenday káráni zemmawár ent.

Petrosay Awal Kágad 1:17

Agan shomá Hodáyá wati Peta gwashét, ke á harkasay dádrasiá bé ru o ryá, áiay káráni hesábá kant, gorhá wati darándhéhiay wahd o pásán pa sharap o ezzat gón Hodátorsi begwázénét.

Elhám 2:11

Harkasá ke gósh per, gósh bedárit ke Pákén Ruh gón kelisáyán ché gwashit. Harkas ke sóbéna bit, cha domi marká hecch táwáné nagendit.

Elhám 2:7

Harkasá ke gósh per, gósh bedárit ke Pákén Ruh gón kelisáyán ché gwashit. Hamá ke sóbéna bit, man áiá cha zenday hamá drachká waragay hakká dayán ke Hodáay baheshtá ent.

Elhám 20:12

Man mordag distant, mazan o kasán, ke tahtay démá óshtátagatant. Ketáb pach kanag butant o dega ketábé ham pach kanag but, “Zenday Ketáb”. Mordag wati kortagén káráni hesábá dádrasi kanag butant, hamá káráni hesábá ke ketábáni tahá nebeshtagat.

Elhám 20:13

Daryáyá wati lápay mordag dar kortant o mark o mordagáni jaháná ham wati tókay mordag dar kortant o har yakké wati kortagén káráni hesábá dádrasi kanag but.

Elhám 22:12

Bechár, mane Issá zutt pédák án o maná mozz gón ke harkasá áiay káray hesábá mozz bedayán.

Elhám 6:8

Man cháret ta mani démá shunzén aspé. Aspswáray nám “mark” at o mordagáni jahán áiay poshtá at. Áyán zeminay chárekay sará zór o wák dayag butagat ke pa zahm, dhokkál o wabá o cha zeminay saray rastaráni dastá óday mardomán bekoshant.