Elhám 2:19 - Hodáay Pákén Ketáb Balochi zobáná

¹⁹ Man tai kárána zánán, tai mehr o imán, hezmat o sabr o ópárá. Taw annun cha á kárán géshter kanagá ay ke bendátá kortagant.

Elhám 2:19 ပူးပေါင်းရင်းမြစ်များ

Zabur 92:14

Piriá ham bar o samara dayant o pa é járay janagá tarr o tázag o sabza mánant ke Hodáwand rást o ádel ent, hamá mani talár ent o áiá hech náensápi o badi mán nést.

Luká 1:23

Zakaryá cha hezmatkáriay halásiá rand, wati lógá per tarret.

Yuhanná 15:2

Mani har thálé ke bara nayárit, Pet áiá goddhit o har thálé ke bara kárit, áiá tráshit o palgárit ke géshter bar o samar byárit.

Pa Tesálunikián Pulosay awali kágad 3:6

Bale Timutáus nóki cha shomay kerrá wátarr butag o may kerrá átkag o shomay báwar o mehray bárawá wasshén hálé gón enti. Márá gwashti ke shomá modám márá pa sharri yáta kanét o shomárá pa may didárá zahira kant, anchosh ke márá pa shomá zahira kant.

Pa Tesálunikián Pulosay domi kágad 1:3

Oo brátán! Hakkén gapp esh ent ke má báyad ent modám pa shomá Hodáay shográ begerén, chéá ke shomay imán róch pa róch rodán ent o pa yakdomiá shomay sajjahénáni mehr ham gésh bayán ent.

Pa Timutáusá Pulosay awali kágad 1:5

É hokmay maksad mehr ent ke cha sapáén del o pákén zamir o delsetkén imánéá pédá bit.

Petrosay Awal Kágad 4:8

Cha sajjahénán masterén gapp esh ent ke yakdomiá pa del o setk dóst bedárét ke mehr, bázén gonáhéay bakshagay sawabsáza bit.

Petrosay Domi Kágad 1:7

gón á dega báwarmandáni dóst dáragá wati Hodádóstiá mohr bekanét o gón sajjahén mardománi dóst dáragá pa báwarmandán wati mehrá mohkam bekanét.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.

Elhám 2:13

Mana zánán taw kojá jahmenend ay, hamódá ke Shaytánay taht ent, bale taw mani nám mohr dáshtag. Taw mani wapádárén sháhed, Antipásay wahdá ham mani sará báwar kanagá enkár nakort, hamá Antipás ke shomay nyámá koshag but, hamódá ke Shaytán jahmenend ent.

Elhám 2:9

Man tai ázár o nézgáriá sarpad án bale taw hastómand ay. Á koprána zánán ke hamá mardomán kortagant ke watá Yahudia gwashant bale Yahudi naant. Á Shaytánay kanisahé ant.