Elhám 2:17 - Hodáay Pákén Ketáb Balochi zobáná

¹⁷ Harkasá ke gósh per, gósh bedárit ke Pákén Ruh gón kelisáyán ché gwashit. Hamá ke sóbéna bit, man áiá cha chér o panáhén manná bahré dayán. Man á mardomá espétén sengé ham dayán ke áiay sará nókén námé nebeshtah ent. É námá tahná hamá zánt ke áiá dayaga bit.

Elhám 2:17 ပူးပေါင်းရင်းမြစ်များ

Zabur 25:14

Hodáwand wati delay ráz o ramzán gón Hodátorsán darshána kant, wati ahd o paymáná pa áyán pajjárénit.

Zabur 36:8

Á cha tai bárgáhay sarréchén nyámatán séra bant o cha wati lezzatáni kawrá áyán sérápa kanay.

Dargwaz 16:33

Mussáyá gón Háruná gwasht: “Darpé bezur o yakk oméré manni mán kan o Hodáwanday bárgáhá éri kan ke pa shomay áyókén nasl o padréchán ér bebit.”

Mattá 13:11

Áyáni passawá gwashti: “Hodáyá é zánt shomárá dátag ke ásmáni bádsháhiay rázán sarpad bebét, bale á dega mardománá nadátagi.

Markás 7:16

Harkasá pa eshkonagá gósh per, beshkont.”

Yuhanná 4:32

Bale áiá gwasht: “Maná waráké hast ke shomá áiay bárawá nazánét.”

Elhám 14:3

É yakk sad o chell o chár hazárén mardom, tahtay démá o chárén sahdár o kamásháni démá nókén sawté janagá atant. Abéd cha hamá yakk sad o chell o chár hazárénán ke cha zeminá mókag butagatant, dega kassá é sawt dar borta nakort.

Elhám 19:16

Áiay kabáh o ránay sará námé nebeshtah ent: “bádsháháni Bádsháh o hodáwandáni Hodáwand.”

Elhám 2:11

Harkasá ke gósh per, gósh bedárit ke Pákén Ruh gón kelisáyán ché gwashit. Harkas ke sóbéna bit, cha domi marká hecch táwáné nagendit.

Elhám 2:7

Harkasá ke gósh per, gósh bedárit ke Pákén Ruh gón kelisáyán ché gwashit. Hamá ke sóbéna bit, man áiá cha zenday hamá drachká waragay hakká dayán ke Hodáay baheshtá ent.

Elhám 3:22

Harkasá ke gósh per, gósh bedárit ke Pákén Ruh gón kelisáyán ché gwashit.

Elhám 3:6

Harkasá ke gósh per, gósh bedárit ke Pákén Ruh gón kelisáyán ché gwashit.