Elhám 19:8 - Hodáay Pákén Ketáb Balochi zobáná

⁸ Áiá lilomén, rozhná o sapáén god, pa gwará kanagá dayag butag.” Lilomén god, Hodáay palgártagén mardománi pahrézkári ant.

Elhám 19:8 ပူးပေါင်းရင်းမြစ်များ

Zabur 132:9

Tai dini péshwáyán pahrézkáriay póshák gwará bát o tai wapádárén hezmatkár shádehiay kukkár bekanátant.”’

Mattá 17:2

Ódá áyáni démá Issáay chehrag o dróshom badal but. Áiay dém róchay dhawlá drapshnák but o god o pósháki, espét espét butant.

Mattá 22:12

Bádsháhá cha áiá jost kort: ‘Hambal! Bé suri pósháká, taw chón tóká potertagay?’ Bale áiá hecch passaw dát nakort.

Markás 9:3

áiay póshák, anchosh espét butant ke jahánay hecch godshódé godán é dhawlá espét o drapshnák korta nakant.

Luká 24:4

Hayrán atant o nazántesh ché bekanant ke anágat do mard, gón drapshókén god o pocchán áyáni kashá óshtát.

Kásedáni Kár 1:10

Wahdé Issá dém pa ásmáná rawagá at, moridáni chamm ásmánay némagá sakk atant, anágat distesh do espétpóshén mard áyáni kerrá óshtátag.

Pulosay kágad pa Rumián 13:14

Esháni badalá, Hodáwand Issá Masihá wati póshák bekanét o wati gonahkárén sareshtay wáhagáni sarjam kanagay pad o randá mabét.

Pulosay kágad pa Rumián 3:22

Issá Masihay sará báwarmandi, é pákiay bakshesh o thékiá pa sajjahén báwarmandána rasénit o pa kassá hecch park o péré ellaga nabit.

Elhám 15:4

Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”

Elhám 15:6

Haptén préshtag ke haptén azábesh gón atant, cha parasteshgáhá dhanná dar átkant. Áyán sapá o rozhnáén lilomén god o póshák gwará at o sénagá teláhén patthiesh bastagat.

Elhám 19:14

Ásmáni pawj, hamáiay poshtá gón atant, espétén aspán swár o sapá o espétén lilomén póshák gwará.

Elhám 3:18

Man tará nasihata kanán ke cha man ásá táptagén teláh pa bahá bezur tánke hastómand bebay, espétén póshák pa bahá bezur o gwará kan ke tai bénangén jándari chér bebit o pa wati chammán malam pa bahá bezur o chammán bemosh tánke dist bekanay.