Elhám 14:7 - Hodáay Pákén Ketáb Balochi zobáná

⁷ Gón borzén tawáréá gwashti: “Hodáay bimmá delá bedárét o áiá shán o shawkat bedayét chéá ke áiay dádrasiay sáhat átkag o rasetag. Hamáiá parastesh bekanét ke ásmán o zemin, daryá o ápi chammagi jórh kortagant.”

Elhám 14:7 ပူးပေါင်းရင်းမြစ်များ

Pédáesh 22:12

Préshtagá gwasht: “Wati dastá bedár o chokká hecch makan. Nun mana zánán ke taw Hodátorsé ay, chéá ke taw chakk o pad nabutay o wati bacch, wati yakkén chokk ham maná dát.”

Zabur 115:15

Hodáwand shomárá barkat dayát, zemin o ásmánay addh kanók.

Zabur 124:8

Hodáwanday nám may madat ent, ásmán o zeminay jórh kanókay nám.

Zabur 33:6

Gón Hodáwanday gál o habará ásmán addh butagant o áyáni sajjahén lashkar, gón áiay dapay damá.

Zabur 36:1

Gonáh, badkárá mán áiay delay johlánkiá gwánka jant, áiay chammán Hodátorsi nést.

Zabur 89:7

Hodáay tors ásmáni hastiáni nyámá sakk mazan ent, á cha wati chapp o chágerday sajjahénán bákamálter ent.

Zabur 95:5

Daryá Hodáwandayg ent ke wat addhi kortag, hoshkén zemin ham hamáiay dastán jórh kortag.

Dargwaz 20:11

Chéá ke Hodáwandá shash róchá ásmán, zemin, daryá o harché ke esháni tahá hast, addh kortant o haptomi róchá árámi kort, paméshká Hodáwandá Shabbatay róch barkat dátag o gechéni o pákén róché jórh kortag.

Dányál 8:19

Gwashti: “Bechár, man tará sarpada kanán ke gazabay goddhi wahdá ché bit. Harché ke taw distag halásiay gisshéntagén wahday bárawá ent.

Mattá 25:13

Paméshká hósh o sár bebét chéá ke shomá á róch o sáhatá heccha nazánét.

Luká 17:18

É yakkén darkawmá abéd, cha áyán dega yakké pa Hodáay sepat o sanáyá nayátk?”

Kásedáni Kár 14:15

Gwashtesh: “Oo mardomán! Shomá ché kanagá ét? Má shomay dhawlén baniádam én o bass. Átkagén shomárá é mestágá bedayén ke é haráb o náhudagén kárán yalah bekanét o barhakk o namiránén Hodáay keshká begerét. Áiá ásmán, zemin, daryá o harché ke áyáni tahá hastent, addh kortagant.

Petrosay Awal Kágad 4:7

Donyá zutt halás bayagi ent, paméshká gón shehm o rahdáriá watá grán o sangin bedárét tán dwá kort bekanét.

Elhám 11:13

Hamá damáná baláhén zeminchandhé átk o shahray dahyakk tabáh but. Zeminchandhá hapt hazár mardom mort. Pasht kaptagénán sakk báz torset o borzén arshay Hodáesh shán o shawkat dát.

Elhám 11:18

Kawm zahr geptagant o tai gazab átkag. Mordagáni dádrasiay wahd rasetag. Tai hezmatkárén paygambarán, tai palgártagénán o harkasá ke tai námay tors hast, kasán o mazan, áyáni mozz dayagay wahd átkag o hamáyáni barbád kanagay wahd ke zeminá barbád kanagá ant.”

Elhám 15:4

Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”

Elhám 16:9

Mardom cha é sakkén garmiá sotkant, bale tawbah kanag o Hodáyá shán o shawkat dayagay badalá, hamá Hodáay námay helápá kopresh kort ke é azábáni sará ehtiári hastat.

Elhám 18:10

Áiay azábá ke gendant, torsant, dura óshtant o gwashant: “Apsóz, apsóz, oo mazanén shahr! Oo Bábel, oo mohkamén shahr! Chéá ke yakk sáhatéay tahá tai dádrasiay wahd raset.”

Elhám 18:17

bale choshén baláhén mál o melkat yakk sáhatéay tahá tabáh kanag but.” Sajjahén náhodá, jánshó o hamá mardom ke daryáyá sapara kanant yá kára kanant dur óshtátagatant.

Elhám 18:19

Á hák pa sar butant o gréwán o mótk áráná kukkár kanagá atant: “Apsóz, apsóz, oo mazanén shahr! Hamá ke daryáyá bójigesh hastat, cha tai mál o melkatá hastómand butagant, bale yakk sáhatéay tahá tabáh kanag butay.”

Elhám 19:5

Gorhá cha tahtá tawáré átk, gwashti: “May Hodáay tawsipá bekanét, oo áiay sajjahén hezmatkárán, oo sajjahén Hodátorsán, kasán o mazan!”

Elhám 4:11

“May Hodáwand o may Hodá! Taw shán o shawkat, ezzat o zóra karzay, chéá ke taw sajjahén chizz addh kortagant o sajjahén chizz cha tai wáhagá jórh butag o hastant.”

Elhám 4:9

Har wahdá ke sahdár tahtay sará neshtagéná, abad tán abad zendagéná shán o shawkat o sharapa dayant o áiay shográ gerant,

Elhám 8:10

Sayomi préshtagá wati karná jat, baláhén estáré ke mashaléay dhawlá rók at, cha ásmáná kawr o chammagáni sayyakkay sará kapt.