Elhám 12:10 - Hodáay Pákén Ketáb Balochi zobáná

¹⁰ Padá man borzén tawáré cha ásmáná eshkot ke gwashagá at: “Nun may Hodáay rakkénag o zór o bádsháhi o áiay Masihay ehtiár rasetag, chéá ke may brátáni bohtám janók, hamá ke róch o shap áyáni sará may Hodáay démá bohtám janagá at, gallénag butag.

Elhám 12:10 ပူးပေါင်းရင်းမြစ်များ

Zabur 22:28

Chiá ke bádsháhi Hodáwandayg ent o hamá ent ke kawmáni sará hákemia kant.

Zabur 45:6

Oo Hodá! Tai bádsháhi taht modámi o abadmán ent, tai bádsháhi asá, adl o ensápay asá ent.

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Mattá 26:64

Issáyá darráént: “Taw wat gwasht. Bale shomá sajjahénán hála dayán, démterá gendét ke Ensánay Chokk zóráwarén Hodáay rástén némagá neshtag. Cha ásmánay jambaráni sará ham kayt.”

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Mattá 6:10

Tai bádsháhi byáyát. Tai wáhag o erádah zeminay sará ham hamá dhawlá sarjam bát ke ásmáná sarjama bit.

Luká 11:2

Issáyá gwasht: “Harwahd dwá kanét, é dhawlá begwashét: ‘Oo Pet! Tai nám sharapdár bát. Tai bádsháhi byáyát.

Luká 22:31

Shamun, oo Shamun! Shaytáná mókal o ejázat lóthet ke shomárá gandomay dhawlá kamak bekant o begéchit.

Pa Titusá Pulosay kágad 2:3

Hamé dhawlá mazanomrén janénán tálim beday ke sharapdárén zendé begwázénant, báposhtá habar makanant o sharábi mabant. Á báyad ent sharrén kár o kerday dars o sabakká bedayant.

Petrosay Awal Kágad 5:8

Grán o sangin o hozzhár bebét, chéá ke shomay dozhmen, Shaytán, chó shérá gorrán ent o shóházá ent ke kojá shekáré berasiti tán bederrit o éri bebárt.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 2:26

Hamá ke sóbéna bit o tán áherá mani kárána kant, man áiá kawmáni sará wák o ehtiára dayán.

Elhám 7:10

Pa borztawári kukkárá atant: “Rakkénag may Hodáay dastá ent, hamáiay ke tahtay sará neshtag o rakkénag Gwarándhay ham dastá ent.”