Dargwaz 9:14 - Hodáay Pákén Ketáb Balochi zobáná

¹⁴ Chéá ke é randi man wati sajjahén kahrán tai jend o tai hezmatkár o tai mardománi sará dawra dayán ke taw bezánay ke sajjahén donyáyá mani paymén nést.

Dargwaz 9:14 ပူးပေါင်းရင်းမြစ်များ

Zabur 86:8

Oo Hodáwand! Hodáyáni nyámá kass tai mattha nabit o tai kár bématth ant.

Dargwaz 15:11

Oo Hodáwand! Hodáyáni nyámá kay tai paymá ent? Kay tai paymá pákiá mazanshán ent? Tai porshánén kár satá karzant o taw hayrán kanókén kára kanay.

Dargwaz 8:10

Perawná gwasht: “Bándá.” Mussáyá gwasht: “Anchosha bit ke taw gwashay. Pogol cha taw o tai lógán, cha tai hezmatkár o mardomán dura bant o tahná kawrá jallant, tánke taw bezánay ke may Hodáwandén Hodáay matth nést.”

Dargwaz 8:6

Háruná wati dast Mesray ápáni sará shahár dát, pogol dar átk o Mesray molká mán retkant.

Dargwaz 9:15

Chéá ke agan man belóthetén, déri wati daston shahár dátagat o tai o tai mardománi sará kahré dawr dátagat o taw cha jaháná gár o gomsár butagatay.

Dányál 5:21

Á, cha ensánáni darnyámá gallénag but o áiay del jánwari delé jór kanag but. Jangali haráni nyámá jahmenend but, pas o gókáni dhawlá káh o bucch wárénaga but o cha ásmánay nódán áiay badan tarr kanaga but, tán hamá wahdá ke zánti ke borzén arshay Hodá ensáni bádsháhiáni sará hokmrán ent o hamá mardomá esháni sará hokmrána kant ke wata lóthit.

Elhám 18:8

Esháni sawabá yakk róchéay tahá áiay azáb, bezán mark, pors o dhokkála káyant o á gón ásá sóchaga bit, chéá ke Hodáwandén Hodá porwák ent o áiay dádrasiá kant.”

Elhám 22:18

Man pa harkasá ke é ketábay péshgóiay labzán eshkonagá ent, sháhedia dayán ke agan kasé esháni tahá chizzé gésh bekant, Hodá áiay sará hamá ázárán gésha kant ke é ketábay tahá nebeshtah ant.