Dargwaz 6:26 - Hodáay Pákén Ketáb Balochi zobáná

²⁶ Hamé Hárun o Mussá atant ke Hodáwandá gón áyán gwasht: “Esráilián cha Mesrá romb rombá bekasshét.”

Dargwaz 6:26 ပူးပေါင်းရင်းမြစ်များ

Pédáesh 2:1

É paymá ásmán o zemin o é sajjahén chizzáni jórh bayag sarjam but.

Zabur 77:20

Taw wati kawm Mussá o Hárunay dastá rahshóni kort, ramagéay paymá.

Zabur 99:6

Mussá o Hárun cha hamáiay dini péshwáyán atant o Samuil ham cha hamáyán at ke Hodáwanday námesh gept. Hodáwandesh tawár kort o áiá passaw dátant.

Dargwaz 12:17

Béhomirén Naganay Aidá barjáh bedárét, chéá ke hamé róchá man shomárá romb rombá cha Mesrá dar kort. Nasláni nasl é róchá abadi parmánéay hesábá barjáh bedárét.

Dargwaz 12:41

É chár sad o sién sáláni godhsará, goddhi róchay jendá, Hodáwanday sajjahén mahluk romb rombá cha Mesrá dar átk.

Dargwaz 12:51

Hamá róchay jendá Hodáwandá Esráili, romb rombá cha Mesrá dar kortant.

Dargwaz 13:18

Hodáyá mahluk cha gyábánay ráhá gardénán kort o dém pa Sohrzerá bort. Esráili ke cha Mesrá dar átkant, selahband atant.

Dargwaz 20:2

“Man tai Hodáwandén Hodá án, hamá ke tará cha Mesrá dar kort o áwort, cha hamá molká ke ódá golám atay.

Dargwaz 32:1

Wahdé mahluká dist ke Mussáyá cha kóhá ér kapagá sakk dér kort, Hárunay chapp o chágerdá mocch butant o gwashtesh: “Byá, pa má hodá addh kan ke ráhá cha má pésar bebant, chéá ke á mard, Mussá ke márá cha Mesrá dari kort o áworti, nazánén á chón but.”

Dargwaz 32:11

Bale Mussáyá wati Hodáwandén Hodáay kerrá peryát o zári kort o gwasht: “Oo Hodáwand! É mahluk ke taw gón mazanén wáké o zórmandén dasté cha Mesrá dar kort o áwort, nun eshán chéá tai hezhm besóchit?

Dargwaz 32:7

Hodáwandá gón Mussáyá gwasht: “Ér kap, chéá ke é tai mahluk ke taw cha Mesrá dar kort o áwort, nun selkáriá laggetag.

Dargwaz 6:13

Hodáwandá gón Mussá o Háruná habar kort o hokm dátant ke gón Esráilián o gón Mesray bádsháh Perawná habar bekanét o Esráilián cha Mesray molká bekasshét.

Dargwaz 6:20

Amrámá gón wati petay gohár Yukebédá sur kort o Hárun o Mussá cha Yukebédá pédá butant. Amrámá 137 sál omr kort.

Dargwaz 6:7

Man shomárá zurán o wati kawma kanán o shomay Hodá bán. Gorhá shomá zánét ke man shomay Hodáwandén Hodá án, hamá ke shomárá cha Mesriáni bigáriá dari kortag.

Dargwaz 7:4

bale Perawn shomay habarán gósha nadárit. Man wati dastá Mesray helápá chesta kanán, Mesrián gránén sezá dayán o wati Esráili kawmá romb rombá cha Mesrá kasshán.