Dargwaz 6:1 - Hodáay Pákén Ketáb Balochi zobáná

¹ Hodáwandá gón Mussáyá gwasht: “Nun taw genday ke man gón Perawná ché kanán. Perawn mani zórmandén dastá ke gendit, mahluká rawagá kellit. Haw, mani zórmandén dastá ke gendit, áyán cha wati molká gallénit.”

Dargwaz 6:1 ပူးပေါင်းရင်းမြစ်များ

Zabur 12:5

Hodáwanda gwashit: “Cha nezórén mardománi lagatmáli o hájatmandáni nálagáni sawabá nun jáha janán. Man eshán hamá paymá émenia bakshán ke esháni armán ent.”

Zabur 12:6

Hodáwanday habar asil o béayb ant, nograhay paymá ke cha kurahá dar átkag o hapt randá pák o sallah kanag butag.

Zabur 136:12

Gón porzórén básk o shahártagén dasté, mehri abadmán ent.

Zabur 89:13

Tai básk zórmand ent, tai dast zóráwar ent, tai rástén dast porwák o sóbén ent.

Dargwaz 11:1

Hodáwandá gón Mussáyá gwasht: “Man Perawn o Mesray sará dega yakk kahré dawra dayán. Eshiá rand á shomárá cha edá rawagá kellit. Rawagay habará bell, shomárá sarjamiá cha edá gallénit.

Dargwaz 12:31

Shapay shap Perawná Mussá o Hárun lótháéntant o gwashti: “Chest bét o cha mani molk o mardomán dur bét, shomay jend o sajjahén Esráili. Berawét o Hodáwandá parastesh kanét, hamá paymá ke shomá lóthetag.

Dargwaz 12:33

Mesrián Esráili hojj kort o gwashtant ke shomá cha may molká zutt dar áét ke má sajjahéna merén.

Dargwaz 12:39

Hamá tarr kortagén árt ke cha Mesrá gón atantesh, cha áyán béhomirén kólokesh patk. Mardom cha Mesrá gallénag butagatant, paméshká chánag béhomir atant. Áyán natwánt mahtal bebant o pa wati tóshagá warák addh bekanant.

Dargwaz 13:14

Agan bándá tai chokká cha taw jost kort: ‘É kárá chéá kanagá ay?’ taw begwash: ‘Hodáwandá gón wati dastay zórá márá cha Mesrá dar kort o áwort, cha hamá molká ke ódá má golám atén.

Dargwaz 13:16

É parmáná wati dastá nesháné o péshánigá thekké kan o per kan chéá ke Hodáwandá gón wati porzórén dastá tará cha Mesrá dar kort o áwort.”

Dargwaz 13:3

Mussáyá gón mardomán gwasht: “É róchá mashamóshét ke shomá hamé róchá cha Mesrá dar átkagét, cha hamá molká ke ódá golám butagét o Hodáwandá gón wati dastay zórá shomárá cha ódá dar kortag o áwortag. Homiri nagan mawarét.

Dargwaz 13:9

Wati dastá nesháné o péshánigá yátgéjé per kan ke Hodáwanday Sharyat tai dapá bebit. Chéá ke Hodáwandá gón wati porzórén dastá tará cha Mesrá dar kort.

Dargwaz 14:13

Mussáyá gón mardomán gwasht: “Matorsét. Delá dhaddh kanét o bechárét ke maróchi Hodáwand shomárá chón nejáta dant, chéá ke é Mesrián ke shomá maróchi gendagá ét, padá eshán hechbara nagendét.

Dargwaz 15:6

Oo Hodáwand! Tai rástén dast ajab zórmand at. Oo Hodáwand! Tai rástén dastá dozhmen shengént.

Dargwaz 7:4

bale Perawn shomay habarán gósha nadárit. Man wati dastá Mesray helápá chesta kanán, Mesrián gránén sezá dayán o wati Esráili kawmá romb rombá cha Mesrá kasshán.

Dargwaz 7:5

Wahdé wati dastá Mesray helápá chesta kanán o Bani Esráilá cha Mesriáni nyámá kasshán, nun Mesria zánant ke man Hodáwand án.”

Kásedáni Kár 13:17

É kawmay Hodá, Esráilay Hodáyá may pet o pirok gechén kort o Mesrá jahmenendiay wahd o zamánagá sarperáz kortant o gón wati zór o wáká cha Mesrá dar áyagay rahshóni dátant.