Dargwaz 4:21 - Hodáay Pákén Ketáb Balochi zobáná

²¹ Hodáwandá gón Mussáyá gwasht: “Wahdé padá Mesrá raway, bechár, hamá sajjahén mójezah ke man tai dastá dátagant, Perawnay démá á mójezahán bekan o pésh dár, bale man áiay delá senga kanán ke kawmá rawagá maylit.

Dargwaz 4:21 ပူးပေါင်းရင်းမြစ်များ

Pédáesh 6:3

Nun Hodáwandá gwasht: “Mani arwáh tán abad ensánay jesm o jáná namánit, chéá ke ensán merókén chizzé o cha yakk sad o bist sálá géshter omra nakant.”

Zabur 105:25

Dozhmenáni deli gardént tán cha áiay kawmá naprat bekanant o áiay hezmatkáráni helápá pandal besázant.

Zabur 78:43

hamá wahdá ke Mesrá wati neshánii paddar kortant o Zohánay gyábáná ajabén kári kort.

Dargwaz 10:1

Hodáwandá gón Mussáyá gwasht: “Perawnay kerrá beraw. Man Perawnay del o áiay hezmatkáráni del paméshká seng kortagant ke wati é neshánián áyáni démá záher bekanán o

Dargwaz 10:20

Bale Hodáwandá Perawnay del seng kort o áiá Esráili rawagá naeshtant.

Dargwaz 10:27

Hodáwandá Perawnay del seng kort o Perawn áyáni rawagá rázig nabut.

Dargwaz 11:10

Mussá o Háruná Perawnay démá é sajjahén mójezah pésh dáshtant, bale Hodáwandá Perawnay del seng kort o Perawná Esráili cha wati molká rawagá naeshtant.

Dargwaz 11:9

Hodáwandá gón Mussáyá gwasht: “Perawn shomay habarán gósha nadárit. Paméshká Mesrá mane Hodáwanday mójezah géshtera bant.”

Dargwaz 14:17

Man Mesriáni delán senga kanán ke Esráiliáni randá bekapant o Perawn o áiay sajjahén pawj o arrábah o arrábaswár mani shán o shawkatay sawabsáz bebant.

Dargwaz 14:4

Man, Perawnay delá senga kanán o á Esráiliáni randá kapit. Perawn o áiay sajjahén pawj mani shán o shawkatay sawabsáza bant. Gorhá Mesria zánant ke man Hodáwand án.” Esráilián hamódá ord kort ke Hodáwandá gwashtagat.

Dargwaz 14:8

Hodáwandá Mesray bádsháh Perawnay del seng kort o Perawn Esráiliáni randá kapt ke pa sarbolandi dar áyag o rawagá atant.

Dargwaz 3:19

Bale mana zánán ke tán zórmandén dasté Mesray bádsháhá majbur makant, á shomárá rawagá naylit.

Dargwaz 3:20

Man wati dastá shahára dayán o Mesrá gón wati hamá sajjahén ajabbatén kárána janán ke manesh áyáni nyámá kanán. Gorhá Perawn shomárá ráwagá kellit.

Dargwaz 7:13

Bale anchó ke Hodáwandá gwashtagat, Perawnay del angat seng at o áyáni habari gósh nadáshtant.

Dargwaz 7:3

Bale man Perawnay delá senga kanán. Man Mesray molká bázén ajabbatén nesháni o mójezahé pésha dárán,

Dargwaz 8:15

Wahdé Perawná dist ke cha é kahrá ján chotthet, hamá paymá ke Hodáwandá gón Mussáyá gwashtagat, Perawná wati del seng kort o Mussá o Hárunay habari gósh nadáshtant.

Dargwaz 8:32

Bale é randi padá Perawná wati del seng kort o mardomi rawagá naeshtant.

Dargwaz 9:12

Bale Hodáwandá Perawnay del seng kort o hamá paymá ke Hodáwandá gón Mussáyá gwashtagat, Perawná áyáni habar gósh nadáshtant.

Dargwaz 9:35

Perawnay del seng but. Esráilii rawagá naeshtant, hamá paymá ke Hodáwandá cha Mussáay zobáná gwashtagat.

Yuhanná 12:40

“Áyáni chammi kór o deli seng kortagant ke gón chammán magendant, gón delán sarpad mabant o dém pa man per matarrant. Agan mani kerrá byátkénant, man dráh kortagatant.”

Pulosay kágad pa Rumián 1:28

Áyán Hodápajjári porarzesh o allamén káré nazánt o Hodáyá ham á, bénangén pegr o hayáláni tahá yalah kortant tán náráhén káráni tahá bekapant.

Pulosay kágad pa Rumián 9:18

Gorhá bezán, Hodá harkasay sará ke belóthit rahma kant o harkasay delá ke belóthit senga kant.

Petrosay Awal Kágad 2:8

o “sengé ke mardomána thagalénit o kóhé ke áyán dawra dant.” Áyáni thagal waragay sawab esh at ke Hodáay habaresh nazort. Áyáni ásar o ákebat hamesh at.