Dargwaz 38:9 - Hodáay Pákén Ketáb Balochi zobáná

⁹ Tambuay péshgáhi addh kort. Péshgáhay jonubi némagay hurtgwápén lilomay pardah drájiá yakk sad dast atant.

Dargwaz 38:9 ပူးပေါင်းရင်းမြစ်များ

Zabur 100:4

Áiay darwázagán gón shogrgozári bepotrét o áiay bárgáhá gón satá o saná. Áiay shográ begerét o áiay námá besárháét,

Zabur 84:10

Tai bárgáhay yak róché gehter ent cha dega jágahéay hazárán róchá, cha badkáráni tambuáni tahá árámén zendéay gwázenagá maná wati Hodáay dargáhay dapá óshtag dóstera bit,

Zabur 84:2

Mani arwáh pa Hodáwanday parasteshgáhay péshjáhán shaydá o hodók ent, mani del o ján pa zendagén Hodáyá pa shádehi kukkára kant.

Zabur 89:7

Hodáay tors ásmáni hastiáni nyámá sakk mazan ent, á cha wati chapp o chágerday sajjahénán bákamálter ent.

Zabur 92:13

Á Hodáwanday lógá keshag butagant o may Hodáay bárgáhá sabzant.

Dargwaz 26:1

Pa sháhediay tambuá dah pardah addh kan. É pardah cha hurtgwápen lilomá o cha ásmáni o jamu o sohrén pazhmá gwapag bebant. Honarmandén ezmkáré é pardahán karrubiay naksh per bekant.

Dargwaz 38:10

Gón bist menok o bist brenjén bonheshtá addhi kortant. Menokáni band o karhi nograhayg atant.

Dargwaz 40:33

Mussáyá tambu o korbánjáhay chapp o chágerdá péshgáhay pardah mekk kortant o péshgáhay dapay pardahi per kort. É paymá Mussáyá kár sarjam kort.

Dargwaz 40:8

Tambuay chapp o chágerdá péshgáhay pardahán mekk kan o péshgáhay dapay pardahá per kan.