Dargwaz 34:7 - Hodáay Pákén Ketáb Balochi zobáná

⁷ Gón hazárán naslá wati mehrá barjáha dárán o radkári o sarkasshi o gonáhána bakshán bale radkáriá bé sezáyá gwazaga naylán. Pet o mátáni radkáriáni sezáyá chokk o nomásagána dayán, tán sayomi o cháromi naslá.”

Dargwaz 34:7 ပူးပေါင်းရင်းမြစ်များ

Pédáesh 19:16

Bale Lutá ke dér kort, á mardán, Lut o Lutay jan o doén jenekk dastá geptant o cha shahrá dhann bortant, chéá ke Hodáwandá áyáni sará rahm kortagat.

Zabur 103:3

hamá ke tai sajjahén gonáhána bakshit o tai drostigén nádráhián dráha kant.

Zabur 109:14

Áiay pet o pirokáni gonáh Hodáwanday bárgáhá yát kanag bátant, mátay gonáhi hechbar shódag mabátant.

Zabur 130:4

Bale taw bakshendah ay tánke tai tors may delá bebit.

Zabur 136:10

Hamá ke Mesray awali chokki jatant, mehri abadmán ent o

Zabur 136:15

bale Perawni gón lashkará Sohrzerá bokként, mehri abadmán ent.

Zabur 25:11

Oo Hodáwand! Pa wati námaygi mani gonáh o mayárán bebaksh, chiá ke mazan ant.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 99:8

Oo Hodáwand, may Hodá! Taw á passaw dátant, taw pa Esráilá pahell kanókén Hodáé atay, harchont ke áyáni gonáháni sezáet ham dát.

Dargwaz 23:21

Áiay ehterámá bekan o habaráni gósh dár. Áiay helápá pád mayá ke tai náparmániá nabakshit. Chéá ke mani nám áiay bátená ent.

Dargwaz 23:7

Cha drógén bohtámjaniá pahréz kan. Bégonáh o rást o barhakkén mardomá markay sezá maday. Chéá ke man náhakkén mardomá bégonáh hesába nakanán.

Dargwaz 33:19

Hodáwandá gwasht: “Man wati sajjahén nékiá tará pésha dárán o tai démá wati nám Yahwehay járá janán. Harkasay sará ke maná rahmat gwárénagi ent, wati rahmatána gwárénán o harkasay sará ke maná rahm kanagi ent, rahma kanán.

Dargwaz 34:9

Gwashti: “Oo Hodáwand! Agan tai chammán maná kadr o ezzaté hast, gorhá tawe Hodáwand may hamráh bay. Bell toré é náparmán o watsarén kawmé, bale taw may radkári o gonáhán bebaksh o márá wati mirás kan.”

Dányál 9:4

Man wati Hodáwandén Hodáay kerrá dwá kort, gonáh mannetant o gwasht: “Oo Hodáwand! Oo mazan o bákamálén Hodá! Taw hamá Hodá ay ke wati ahd o karárá puraha kanay o gón hamáyán mehra kanay ke tará dósta dárant o tai parmánána mannant.

Dányál 9:9

Rahmat o pahelli gón may Hodáwandén Hodáyá ent bell toré má cha áiá yági butagén.

Mattá 12:31

Paméshká shomárá gwashán ke har gonáh o kopr, bakshag o pahell kanaga bit, bale Hodáay Pákén Ruhay bárawá sellén habar o kopr, pahell kanaga nabit.

Mattá 6:12

May gonáh o radián bebaksh, anchosh ke má wati sajjahén daynkár bakshetagant.

Luká 7:42

bale á doénán pa wámáni dayagá hecch néstat, paméshká wám dayóká áyáni wám bakshetant. Nun cha á doénán kojámiá wám dayók géshter dósta bit?”

Luká 7:48

Gorhá démi gón á janéná tarrént o gwashti: “Tai gonáh bakshag butant.”

Kásedáni Kár 13:38

Oo brátán! Bezánét, cha Issáay némagá gonáháni pahelliay jár pa shomá janaga bit.

Kásedáni Kár 5:31

wati rástén némagá nádént o sarók o rakkénók kort, tánke Esráilay kawmá tawbah o gonáháni pahelliay móh berasit.

Yuhannáay Awali Kágad 1:9

Bale agan wati gonáhán bemannén, á ke wapádár o ádel ent may gonáhána bakshit o may sajjahén nápahréziána shódit.

Elhám 20:15

Agan kaséay nám “Zenday Ketábay” tahá nebeshtah naat, á, ásay gwarmá dawr dayag but.

Elhám 21:8

Bale lagór o nábáwar o hamá ke bazzhnák ant, hónig o zenahkár o jáduger o botparast o sajjahén drógband, esháni ásar esh ent ke ásay gwarmá gón ás o gókortá sóchag bebant. É domi mark ent.”