Dargwaz 34:6 - Hodáay Pákén Ketáb Balochi zobáná

⁶ Hodáwand jár janáná Mussáay démá gwast: “Hodáwand án, Hodáwand, rahmán o mehrabánén Hodá man án. Gazabay áragá déra kanán o cha mehr o wapáyá porr án.

Dargwaz 34:6 ပူးပေါင်းရင်းမြစ်များ

Pédáesh 24:27

gwashti: “Hodáwandá satá bát, mani wájah Ebráhémay Hodáyá ke gón mani wájahá wati mehr o wapádárii barjáh dáshtag o dém pa mani wájahay syádáni lógay é sapará mani rahshón butag.”

Zabur 108:4

ke tai mehr báz ent, cha ásmánán borzter, tai wapádári tán jambarán ent.

Zabur 111:4

Áiá wati bákamálén kár yádgár kortagant, Hodáwand mehrabán o rahm kanók ent.

Zabur 111:8

Abad tán abad mohr o mohkam ant, pa rásti o tachki kanag butagant.

Zabur 112:4

Pa nékdelán mán tahárókiá ham rozhna drapshénit, á mehrabán, rahm kanók o ádel ent.

Zabur 116:5

Hodáwand mehrabán o ádel ent, may Hodá, cha mehr o rahmá sarréch.

Zabur 138:2

Dém pa tai pákén parasteshgáhá kóndhána kapán o tai námá názénán pa tai mehr o wapádáriá ke taw wati nám o wati mohrén ahd o karár cha sajjahén chizán géshter mazani bakshátag.

Zabur 145:8

Hodáwand mehrabán o rahm kanók ent, hezhm geragá déra kant o mehri báz ent.

Zabur 146:6

hamáiay sará ke zemin o ásmánay jórh kanók ent o daryá o har ché ke daryáyá hast, hamáiay sará ke tán abad wapádár ent,

Zabur 31:19

Tai néki chenkadar báz ent, ke pa Hodátorsán ambáret kortag o bani ádamáni chammáni démá pa hamáyán purah o sarjam kortag ke tai báhótha bant.

Zabur 57:10

Chiá ke tai mehr báz ent, tán arshá rasit o tai wapádári tán jambarán.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Zabur 91:4

Á tará gón wati poth o bálán póshénit o áiay bánzoláni chérá panáha bay, áiay wapádári espar o diwálé.

Dargwaz 20:5

Esháni démá sará jahl makan o sojdahesh makan. Chéá ke man tai Hodáwandén Hodá hasaddigén Hodáé án. Petáni radkáriáni sezáyá áyáni chokkána dayán. Á ke cha man naprata kanant, áyáni radkáriáni sezáyá áyáni sayomi o cháromi nasl o padréchá dayán.

Dargwaz 22:27

Chéá ke balkén áiay póshák éwaká hamesh ent, gorhá ché per bedant o bwapsit? Agan mani kerrá peryát bekant, man gósha dárán, chéá ke man mehrabán án.

Dargwaz 33:19

Hodáwandá gwasht: “Man wati sajjahén nékiá tará pésha dárán o tai démá wati nám Yahwehay járá janán. Harkasay sará ke maná rahmat gwárénagi ent, wati rahmatána gwárénán o harkasay sará ke maná rahm kanagi ent, rahma kanán.

Yuhanná 1:17

É rást ent ke Sharyat cha Mussáay wasilahá bakshag butag, bale rahmat o rásti cha Issá Masihay wasilahá átk.

Pulosay kágad pa Rumián 2:4

Yá ke áiay mehrabáni o sabr o tahambolay ganjá béarzesha zánay o é chizzá sarpada nabay ke Hodáay mehrabániay maksad hamesh ent ke tará dém pa tawbah kanagá bebárt?

Ákub 5:11

Má hamáyán bahtáwara zánén ke wati zendesh pa sabr o ópár gwázéntag, shomá Ayyubay sabr o tahambolay bárawá eshkotag o zánét ke Hodáwandá áiay ásar o ákebat ché kort. Chéá ke Hodáwand wat gamwár o mehrabán ent.