Dargwaz 34:10 - Hodáay Pákén Ketáb Balochi zobáná

¹⁰ Hodáwandá gwasht: “Bechár, nun man ahd o paymáné kanán. Man tai sajjahén mardománi démá anchén ajabbatén kára kanán ke angat sajjahén donyáyá hecch kawmá nadistag o tai sajjahén mardoma gendant ke mane Hodáwanday kár chón bákamál ent, hamé kár ke man pa taw kanáni.

Dargwaz 34:10 ပူးပေါင်းရင်းမြစ်များ

Zabur 106:22

Hámay sardhagárá hayrán kanókén o Sohrzeray kerrá bákamálén kári kortagat.

Zabur 136:4

Hamá yakkénay shográ begerét ke mazanén mójezaha kant, mehri abadmán ent.

Zabur 145:6

Tai bákamálén káráni zóráwari hamok zobánay sará ent o man tai mazanén káráni járá janán.

Zabur 147:20

É kári pa dega hecch kawméá nakort o é dega kawm áiay rahbandána nazánant. Hodáwandá benázénét, Halléluyá.

Zabur 65:5

Gón wati bákamálén kárán, márá pa adl o ensáp passawa dayay. Oo may rakkénókén Hodá! Zeminay chár kondh o durdastterén daryáyáni omét gón taw ent.

Zabur 66:3

Hodáyá begwashét: “Tai kár chenkadar bákamál ant. Tai wák o kodratay mazaniay sawabá dozhmen tai démá háká kapant.

Zabur 66:5

Byáét o bechárét ke Hodáyá ché kortag, ajabén kár pa bani ádamá.

Zabur 68:35

Oo Hodá! Taw wati pákén jágahá bákamál ay, Esráilay Hodá wati kawmá zór o wáka bakshit. Hodáyá satá o saná bát.

Zabur 72:18

Hodáwandén Hodáyá satá bát, Esráilay Hodáyá, ajabén káráni kanók tahná hamá ent.

Zabur 76:12

Á hákemáni gorurána próshit, zeminay bádsháh cha áiá torsant.

Zabur 77:14

Taw hamá Hodá ay ke ajabén kára kant. Taw wati zór o wák sajjahén kawmáni nyámá pésh dáshtag,

Zabur 78:12

Hamá kár ke áyáni pet o pirénáni démá kortagatanti, Mesray molká, Zohánay gyábáná.

Dargwaz 34:27

Nun Hodáwandá gón Mussáyá gwasht: “É habarán nebeshtah kan, chéá ke man hamé labz kár bastagant o gón taw o gón Esráilá ahd o paymáné kortag.”

Dargwaz 34:28

Mussá tán chell shap o chell róchá hamódá Hodáwanday kerrá at, na nánia wárt o na áp. Wánekáni sará ahd o paymánay labzi nebeshtah kortant, dahén parmáni nebeshtah kortant.