Dargwaz 33:14 - Hodáay Pákén Ketáb Balochi zobáná

¹⁴ Hodáwandá gwasht: “Man wat tai hamráha bán o tará árámi o ásudagia bakshán.”

Dargwaz 33:14 ပူးပေါင်းရင်းမြစ်များ

Zabur 95:11

Gorhá man wati hezhmá sawgend wárt ke ‘é hechbar mani ásudagiá sara nabant.’”

Dargwaz 13:21

Hodáwand róchay wahdá jambaray menokéay tahá áyáni démá rawán at ke ráhá pésh bedárit. Shapay wahdá ásay menokéay tahá áyáni démá rawán at ke áyán rozhn bedant o á shapá ham sapar kort bekanant o róchá ham.

Dargwaz 3:12

Hodáyá gwasht: “Man gón taw góna bán. Taw ke kawmá zuray o cha Mesrá dara káay, shomá hamé kóhá Hodáay parasteshá kanét. O é yakk neshánié bit ke tai ráh dayók man án.”

Dányál 12:13

Bale taw wati ráhá beraw tán halásiay wahd byayt. Taw áráma kanay o padá, halásiay wahdá pa wati ásar o ákebatá jáha janay.”

Mattá 11:28

Oo srénproshtagén zahmatkasshán! Dém pa man byáét, man wat shomárá árám o ásudagia bakshán.

Mattá 28:20

áyán dars o sabakk bedayét ke mani sajjahén hokm o parmánáni sará kár bekanant. Deljam bebét, man tán donyáay halásiá, modám gón shomá gón án.”