Dargwaz 33:13 - Hodáay Pákén Ketáb Balochi zobáná

¹³ Nun agan tai chammán mani kadr o ezzat báz ent, gorhá wati ráhán pa man áshkár kan tánke man tará pajjáh byárán o hamá ezzat ke maná tai chammán hastent, áiá barjáh dásht bekanán. Bechár, é mahluk tai jenday kawm ent.”

Dargwaz 33:13 ပူးပေါင်းရင်းမြစ်များ

Zabur 103:7

Áiá wati ráh pa Mussáyá záher kortant o wati kár pa Esráilay kawmá.

Zabur 119:33

Oo Hodáwand! Wati hokmáni ráhá maná sój day, ke tán áherá bedáránesh.

Zabur 25:4

Oo Hodáwand! Ráhá maná pésh dár o wati keshká maná tálim day.

Zabur 27:11

Oo Hodáwand! Wati ráhá maná sój day, dozhmenáni sawabá maná rást o tachkén ráhá rahshón bay.

Zabur 51:13

Gorhá sarkashén mardomán tai ráhán tálima dayán o gonahkár tai kerrá wátarra kanant.

Zabur 86:11

Wati ráhá maná sój day, oo Hodáwand, ke tai rástén ráhá berawán, mani delá sarjamá gón wat kan ke cha tai námá betorsán.

Dargwaz 3:10

Beraw, man tará Perawnay kerrá ráha dayán, mani kawm Bani Esráilá bezur o cha Mesrá dar á.”

Dargwaz 3:7

Hodáwandá gwasht: “Mani mahluk ke Mesrá ent, man áyáni bazzagi sharriá distag. Man distag ke wati bigárgiráni sawabá chón peryáta kanant. Áyáni dardán sharriá zánán.

Dargwaz 32:12

Chéá Mesri begwashant: ‘É mardomi cha Mesrá pa badniyati dar kortant ke kóh o gyábánán bebárt o bekoshitesh o cha jaháná gáresh bekant’? Wati hezhmay ásá kosh. Wati erádahá badal kan o é baláhá wati mahlukay sará dawr maday.

Dargwaz 32:14

Hodáwandá erádah kortagat ke wati mahlukay sará baláhé dawra dayán, bale erádahi badal kort.

Dargwaz 32:7

Hodáwandá gón Mussáyá gwasht: “Ér kap, chéá ke é tai mahluk ke taw cha Mesrá dar kort o áwort, nun selkáriá laggetag.

Dargwaz 34:9

Gwashti: “Oo Hodáwand! Agan tai chammán maná kadr o ezzaté hast, gorhá tawe Hodáwand may hamráh bay. Bell toré é náparmán o watsarén kawmé, bale taw may radkári o gonáhán bebaksh o márá wati mirás kan.”

Dargwaz 5:1

Randá Mussá o Hárun shotant o gón Perawná gwashtesh: “Yahweh, Esráilay Hodá chosha gwashit: ‘Mani mahluká bell ke gyábáná rawt o pa man jashné kant.’”

Yuhanná 17:3

Oo yakk o barhakkén Hodá! Abadmánén zend hamesh ent ke é mardom tará bezánant o tai rawán dátagén Issá Masihá pajjáh byárant.

Pulosay kágad pa Rumián 11:28

Bani Esráili wasshén mestágay hesábá, pa shomaygi Hodáay dozhmen ant bale gechénkáriay hesábá, á pa wati bonpirokáni háterá Hodáay dóst ant.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.